譚詠麟宣佈溫拿加兩場

1^# 大中小 young 發表於 2015-12-5 00:45 發短消息

經典樂隊溫拿的演唱會門票銷情熱烈，校長譚詠麟（阿倫）接受訪問時宣佈溫拿演唱會將加開兩場，但他直言實情是還人情債，終歸得個「唉」字，又謂將嚴格篩選演唱會嘉賓，務求每個都是唱得之人！而阿倫昨日與關楚耀錄影無線節目時，突然出手揸關楚耀胸，「受害者」竟笑言好舒服，認真搞笑！

譚詠麟（左）與關楚耀遮住重要部位扮前列腺有事，場面搞笑。

樂隊溫拿將於明年農曆新年（2月6至10日）在紅館舉行《溫拿NEVER SAY GOODBYE演唱會2016》，主音之一譚詠麟（阿倫）在電話訪問中透露演唱會將加開兩場，但事實上卻得個「唉」字，他說：「唔係開心事嚟，因為係之前嘅人情債嚟。」又謂會嚴格篩選演唱會嘉賓：「要考驗過佢哋先，上得台嘅，就一定要有人認同佢係唱得到歌嘅。」

譚詠麟突然揸關楚耀胸，認真曳曳！

阿倫昨日到將軍澳電視城錄影無線節目《歡樂滿東華2015》，與關楚耀唱歌籌款的他，見傳媒影相時大擺趣怪Pose，更出手揸關楚耀胸，又扮前列腺有事，遮住重要部位，非常搞笑。訪問時，談到揸關楚耀胸的感受，他立即笑謂：「有進步空間。」身為「受害者」關楚耀就指被揸得非常舒服。

80萬開金口
問為何錄影演出？阿倫坦言今日要到深圳出騷，明天則要飛北京工作，故需要預錄：「最近都有人50萬善款邀請我開金口，我就話要好意頭加碼到80萬。」談到郭富城公開認愛，阿倫即謂恭喜：「佢女朋友好靚女，啱曬年紀。」但笑關楚耀未是時候拍拖，要專心事業。

阿倫又自爆近日連開幾晚通宵拍新戲：「感覺好特別，尤其係開工之前去咗踢波！」關楚耀則大爆早前與阿倫到馬來西亞出騷時，一落飛機即走去踢波，精力旺盛。

文：影視組
From:http://orientaldaily.on.c ... /00282_022.html

廷伸閱讀/相關主題推介:

相關主題:譚詠麟溫拿

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-12-19 19:42 發短消息

溫拿搵戚美珍做佈景

溫拿噚日下晝5點幾喺上環同戚美珍為新戲《江湖喜劇》開工，譚詠麟（阿倫）、彭健新同葉智強趁未埋位同工作人員吹水打發時間。由於噚日氣溫驟降，阿倫着住連帽衞衣加羽絨，做足保暖措施，三人仲好鬼馬叫助手喺鏡頭後幫佢哋影合照，將遠處對緊戲嘅戚美珍影埋入鏡，佢哋見到記者時表現親切，之後三人仲同戚美珍排排企影合照，十分合作。

撰文：馮仁昭

馮仁昭
from:http://hk.apple.nextmedia ... 151218/19416203

TOP

3^# 大中小 young 發表於 2016-2-7 20:39 發短消息

溫拿閃爆紅館開Party

穿上銀色花花西裝的溫拿五子，甫開騷即大唱多首英文經典金曲。

溫拿樂隊一連8場的跨農曆年騷「溫拿NEVER SAY GOODBYE演唱會2016」，昨晚正式在紅館開鑼，不少嘉賓包括阿叻陳百祥和老婆黃杏秀、梁家輝夫婦、杜德偉夫婦、袁偉豪和女友岑杏賢現身撐場。演唱會準時8點半開騷，三面台全場爆滿。穿上花花西裝和戴上Bling Bling黑超的溫拿五子，一上台即大唱《Pinball Wizard》、《China Grove》等經典英文歌。

與溫拿老友鬼鬼的梁家輝和秀姑黃杏秀昨晚亦有現身撐場。

其間成功減磅的譚詠麟，更叫台下觀眾一齊唱一齊跳，他說：「呢個唔係一個演唱會，係一個party，你哋如果有能力可以企起身，又企得穩嘅，就大家一齊企起身，咁先夠high！」不少觀眾聽罷即起身邊跳邊和唱，令現場氣氛高漲！

採訪：張俊銘
攝影：陳慧安
from:http://hk.apple.nextmedia ... 160207/19482901

TOP

4^# 大中小 young 發表於 2016-2-22 20:52 發短消息

溫拿坤哥麻甩撩鼻

溫拿與坤哥作狀撩鼻，表情趣怪。

溫拿前晚假紅館舉行第5場演唱會，吳業坤、胡鴻鈞、廖碧兒、關楚耀等捧場，「校長」譚詠麟更整蠱近期人氣爆燈的坤哥，笑言看到他一邊聽歌一邊挖鼻屎，完騷後坤哥到後台向溫拿拜年及𢭃利是，眾人更齊齊做出挖鼻哥手勢，十分爆笑，坤哥將合照貼到社交網留言：「校長話我喺台下頴鼻屎，但我印象冇。」

譚校長在台上唱《愛情陷阱》時再出動私伙福袋𢭃利是，笑說：「可以親手畀我嘅話，就會保家宅平安全年行好運。」他又謂溫拿合作43年，雖然由小鮮肉變臘肉，但兄弟情從來未變。

撰文：皓騫
from:http://hk.apple.nextmedia ... 160212/19487576

TOP

5^# 大中小 young 發表於 2016-2-22 21:14 發短消息

溫拿完騷躝癱舞贈興

溫拿尾場騷高叫「I love HK」，為香港人打氣。

溫拿一連八場跨農曆年演唱會前晚在紅館完滿結束，譚詠麟（阿倫）由頭場開始帶病上場，到尾場回復正常狀態，他在演唱會上說：「香港近年好多怨氣，年初一晚大家開心咩？」之後溫拿為鼓勵香港人加油一齊叫口號：「I Love HK！」

溫拿完騷後在後台接受訪問，被問到會不會有part2，阿倫說：「冇聽過，可以提議下，喺暑假，不過攞場唔易，要成一年時間，反而排舞就用咗兩日。」然後溫拿群起取笑陳友的舞姿，改名為「躝癱舞」，陳友笑說：「躝癱係中國國粹。」問到阿倫新年大病，他說：「今日係最好一場，表演一日比一日好，之前同李幸倪練歌試過失聲。」

採訪：王連連
攝影：沈健程
from:http://hk.apple.nextmedia ... 160215/19491309

TOP

6^# 大中小 young 發表於 2016-12-10 17:09 發短消息

溫拿開騷耍太極

溫拿與太極昨日齊腳出席明年的演唱會記招。

溫拿與太極兩隊本地殿堂級樂隊昨日齊集灣仔舉行記招，宣佈將於明年1月7日假亞博館舉行一場演唱會，剛於內地踢波受傷返港的譚詠麟（阿倫），戴黑超手執枴杖進場，他又指彭健新提議演唱會名叫「溫拿耍太極」，太極主音雷有輝笑言今次合作，太極在年紀方面被比下去。

阿倫笑指右腳受傷，終於用到父親傳下來的枴杖：「大後日要去新加坡開個唱，呢幾日唔可以畀隻腳受力，一定會全速痊癒。」太極坦言只得一場絕不夠喉，加上門票也被溫拿fans清倉。

採訪、攝影：馬建華
from:http://hk.apple.nextmedia ... 161117/19836174

TOP

7^# 大中小 young 發表於 2016-12-10 18:25 發短消息

太極為溫拿放棄揀歌

溫拿和太極兩隊band的部份成員，昨日去商台為明年1月初的演唱會宣傳，太極笑指早就放棄唱自己歌，只關心溫拿會唱哪首經典金曲，實行以觀眾心態去聽。

彭健新（左一）說：「只得一場太過唔夠喉，惟有唔理罰錢唱到過鐘。」眾人笑指從開會至影海報到記招，十一人走在一起便很嘈，期待一齊企上台的震撼，是難得的合作機會。

採訪、攝影：馬建華
from:http://hk.apple.nextmedia ... 161124/19843404

TOP