林嘉欣好懷念跟學友一起拍攝電影的日子，但談到雙雙封帝后都耍手擰頭。
香港國際影視展昨日第二日在灣仔會議展覽中心舉行，張學友、林嘉欣及黃秋生出席英皇電影的2016巡禮時，秋生表示希望二人可以憑主演的電影《暗色天堂》締造奇蹟，在下月舉行的香港電影金像獎中橫掃影帝、影后，但學友卻看好郭富城當影帝。
黃秋生（左二）昨日與林家棟（中）出席英皇電影2016巡禮。
五次提名落空
學友受訪時自言沒有期望，因為五次提名都落空，被問到看好哪位對手時，他說：「我冇睇晒全部電影，不過知道城城率先喺導演會攞咗獎，對佢睇高一線。自己冇睇晒其他電影，所以唔貼喇。」他笑言攞獎很講命，攞開就會繼續攞，又指雖然被很多同業看好，但可能自己未合評審口味，所以一直都拿不到獎。
對於有報道指學友跟前經理人陳淑芬因合約問題，世界巡迴演唱會延期，學友說：「其實演唱會係冇延期，其實呢排為咗籌備演唱會自己都好忙。」其所屬的環球唱片昨日亦發聲明否認有關報道。林嘉欣則笑言學友是自己幸運星，第一部合作的電影《男人四十》就獲最佳女配角及新人獎，她說：「冇睇晒啲戲都係唔估，不過真係好嚮往同學友拍戲嘅時光。」
周秀娜將分別與鄭丹瑞和欣宜拍攝電影。
千嬅昨日與吳鎮宇出席記招時，透露彭浩翔有意開拍《志明與春嬌》第三集。
娜姐谷小男人
另外，周秀娜昨日跟欣宜一同現身影視展，同時宣佈會擔任兩部電影的女主角，其中一部是鄭丹瑞的《小男人周記》系列，另一部是與欣宜合作的《29+1》。娜姐在台上多謝鄭丹瑞，她說：「多謝旦哥，我恨咗呢個機會好耐。細個都睇過呢個電影版，嗰陣好鍾意，真係冇諗過會做到梁寬（片中鄭丹瑞演的角色）嘅情人，我覺得呢件事都幾得意。」
吳鎮宇跟楊千嬅在博覽館內為新片《寶貝當家》出席記者會，鎮宇表示今趟負責跟小朋友父母溝通，千嬅負責零食方便跟小朋友混熟。鎮宇早前在微博留言很喜歡留在香港的日子，就被內地網民插爆，他說：「呢啲我都控制唔到，不嬲都係咁，佢哋個玩法係咁。」而黃百鳴的天馬公司就表示跟張晉簽了三部片約，並由袁和平執導。
採訪：曹家誠
攝影：葉君海
from:
http://hk.apple.nextmedia ... 160316/19530679
