譚詠麟賴新歌難唱忘詞阿倫生日集「脂」

1^# 大中小 young 發表於 2016-8-24 00:04 發短消息

譚詠麟（阿倫）、陳小春、蔡瀚億（BabyJohn）同蔡潔，噚日喺奧海城戲院出席電影《江湖悲劇》主題曲〈男人悲劇〉MV首播，呢次仲係阿倫同小春首次攜手合唱。阿倫話首歌好難唱，好難聽到live版，但BabyJohn、蔡潔同談善言現場唱咗一段，阿倫孖小春要拎住貓紙清唱一段難版，戴住黑超嘅阿倫，似乎唔清楚歌詞，中途有少少甩嘴，事後佢哋話應該冇機會再喺現場唱呢首歌。

阿倫下週二66歲牛一，噚日宣傳時獲送上蛋糕預先慶祝。

收逾30個蛋糕

下週二係阿倫66歲牛一，噚日都有粉絲送上蛋糕，壽星倫話本月11號收到第一個蛋糕，直到𠵱家都切咗超過30個，佢得戚話：「我梗係舔嚇就算，食曬就真係集『脂』。呢個月每晚都同朋友食飯慶祝，正日同家人過。」問到阿倫嘅生日願望係咪想攞影帝？佢大笑話：「係啲歌詞咁寫話想拎影帝，不過要由喜劇去到令觀眾沉澱感受內容係有難度，今次部戲以類似漫畫形式去拍，係新嘗試。」

此外，王宗堯日前貼出同女友蔡潔喺鏡前梳洗相，暗示同居關係，問蔡潔係咪日日共用洗手間，佢話：「大家有自己私人空間。」問佢見過家長未？來自內地嘅蔡潔話：「我好耐冇返屋企，爸媽都好掛住我，今年冇時間，返都係自己返去先，見家長再遲啲。」

撰文：馮仁昭

馮仁昭
from:http://hk.apple.nextmedia ... 160818/19740391

廷伸閱讀/相關主題推介:

相關主題:譚詠麟生日

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-24 01:01 發短消息

阿倫澳門騷念勁敵哥哥

阿倫前晚喺澳門開騷，唱咗唔少金曲。

譚詠麟（阿倫）前晚喺澳門舉行「譚詠麟40週年巡迴演唱會－澳門站」，顧芮寧做表演嘉賓。阿倫喺半個月前踢波整親膝頭舊患，要包紮上陣。

聽日66歲生日嘅阿倫，早喺80年代同堪稱勁敵嘅張國榮（哥哥）競爭激烈，但前晚阿倫獻唱哥哥嘅《風繼續吹》，佢話：「我諗大家都會留意到娛樂圈係一個是非不斷地方，我作為一分子，好多藝人歌手都係尊重大家，佢哋都付出心血努力去做，包括以下呢首歌嘅歌手，佢嘅歌我好欣賞。」阿倫喺完騷後接受訪問，講到對哥哥嘅讚揚，佢話：「我一向都係咁講，當年大家嘅fans爭拗，只係fans年紀細，唔識分辨是非。」

阿倫同哥哥雖然有競爭，但冇影響友誼。

阿倫講打波整親左膝舊患經過。

囝囝打暑期工

至於膝頭傷勢，阿倫話當日想頂頭槌入波，但收唔切制撞埋龍門柱。而演唱會又一早排好舞，所以受傷都要做落去，佢笑話：「近排不停慶祝生日，以前可以邊食，仲跑步減肥，腳傷只可以做機收身。」囝囝曉風會唔會返港慶祝？佢話：「唔會，佢打緊暑期工創業。」係咪準備咗創業基金畀曉風？佢笑話：「做乜講你知。」

撰文：馮仁昭
from:http://hk.apple.nextmedia ... 160822/19745190

TOP

3^# 大中小 young 發表於 2016-9-11 17:41 發短消息

阿倫出碟搵華仔合唱

阿倫前晚出席新戲首映，獲伍詠薇（左）及戚美珍吻賀牛一。

剛過了66歲生日的譚詠麟（阿倫）跟陳小春、戚美珍及伍詠薇等，前晚在銅鑼灣出席電影《江湖悲劇》首映禮。大會安排了一個插着「25」字樣的大蛋撻，為阿倫祝壽，因他拍戲時經常請大家食蛋撻。阿倫指自己生日至今已吃超過66個蛋糕，又透露新碟會破天荒找劉德華合唱，他說：「作過歌畀佢，合作係第一次，華仔𠵱家喺歐洲拍緊戲，都寄咗聲帶畀我。同華仔合作喺兩年前構思。」阿倫表示心目中有9名圈中男女想合作，華仔是第一位。

原先通告有伍詠薇老公練海棠名字，但沒見他現身，伍姑娘解釋說：「佢同朋友食完飯會過嚟。」問到跟老公是否和好如初，她笑說：「都冇壞過，我哋都冇嘢。」

採訪：張俊銘
攝影：陳慧安
from:http://hk.apple.nextmedia ... 160827/19750738

TOP

4^# 大中小 young 發表於 2016-10-23 15:53 發短消息

譚詠麟體罰教仔

譚詠麟和孫楠（左）昨日為新歌拍攝MV。

譚詠麟昨日與孫楠到清水灣製片場，為新歌《地球醒來吧》拍攝MV，譚校長笑指兩個男人沒理由唱情歌，所以揀選了關於環保的歌合唱。日前囝囝譚曉風成雜誌封面人物，譚校長表示囝囝從朋友口中得知報道，對此一笑置之，講到囝囝成各大唱片公司搶手貨，譚校長說：「讀緊書，未畢業，仲繼續讀。」

譚校長聽到囝囝被指似他年輕時俊朗即笑咪咪，問他教仔會否嚴謹？身邊的孫楠即表示自己教9歲大兒子比女兒嚴苛，譚校長笑指一定要打，因為再過五年打不了，孫楠也大表認同。譚校長對畢彼特夫妻離婚表示驚訝，問他教仔時可有分歧，他笑而不答。

採訪：馬建華
攝影：陳俊強
from:http://hk.apple.nextmedia ... 160922/19777575

TOP

5^# 大中小 young 發表於 2016-10-23 17:46 發短消息

阿倫唔想囝囝早婚

譚詠麟（左）與李克勤昨日為合資的「左麟右李」新店剪綵。

譚詠麟（阿倫）和李克勤合資的食店「左麟右李」昨日喬遷之喜，在銅鑼灣新店剪綵，阿倫笑指克勤跳槽加盟英皇後，二人要待吉時合體，又要等海外進修的克勤學成歸來，克勤說：「生意同唱片公司無關，唔抽佣，屋企兩個仔先係老闆。」現時食店本港連外地共十間店，看準機會再開分店，慢慢擴展分店版圖。

有傳劉德華太太再懷孕，阿倫稱若是事實會恭喜對方，他說：「都好嘅，佢賺咁多要有承托力承起。」問到他兒子是否到時候結婚，他說：「啋過你，唔使咁早。」問到是否不捨得兒子太早成家立室，他說：「成個森林咁大見識多啲先，開吓眼界，吸引吓食個飯都OK嘅。」

採訪、攝影：王連連
from:http://hk.apple.nextmedia ... 161006/19792005

TOP

6^# 大中小 young 發表於 2016-10-30 16:04 發短消息

阿倫盼給關淑怡空間

阿倫（左三）笑溫拿造型似英國劍橋護老院，眾人又拉着彭健新（左五）的頸巾扮拉頭馬。

樂隊溫拿和太極昨日在柴灣為「純音樂Live2017」拍攝宣傳海報，影相時為遷就鏡頭角度，阿倫被安排站在木箱上。當兩隊樂隊大合照時，拿住頸巾的彭健新笑言要大家一齊扮拉頭馬，大叫「馬到功成」。受訪時，阿倫笑言溫拿造型似英國劍橋護老院，又嘲彭健新胸「墮」，問他們會否操練？阿倫挺直條腰笑說：「『粗』咗啦，仲『粗』。」

對於關淑怡昨日凌晨疑情緒不穩墮海，阿倫表示現時應給予對方空間，又笑指關淑怡是練習渡海泳。提到有傳她情緒不穩，會否擔心有輕生念頭？數星期前見過她的太極成員HiFi德說：「我唔覺得會揀呢樣嘢，唔會咁大膽。」

採訪：黃曉妍
攝影：陳俊強
from:http://hk.apple.nextmedia ... 161026/19811996

TOP

7^# 大中小 young 發表於 2016-11-18 01:46 發短消息

阿倫陪睇戲

阿倫日前陪Wendy睇戲，身旁卻有兩位友人做電燈膽。DV圖片
阿倫譚詠麟一向甚少提家事，但對情人知己Wendy及兒子譚曉風愛護有加，再忙也抽時間陪伴。日前他便與Wendy到圓方看電影《狙擊．309》（Battle For Sevastopol），同行還有「綠葉王」張智軒及一位外籍男士。

Wendy性格低調，20多年來都甘心做阿倫背後的女人。

為避開耳目，阿倫與Wendy當晚刻意遲10分鐘入場，散場時則選擇較少人的路直入停車場。抵停車場後，阿倫才放下戒心，張智軒則似乎忘記甚麼，一支箭又跑離停車場，其時Wendy先坐上司機位旁座位，阿倫不時與Wendy對話，Wendy被𠱁得嘻嘻笑，約過了10分鐘，張智軒氣喘喘跑回來，阿倫才開車載各人離開。

採訪、攝影：徐錦池、畢紹基
from:http://hk.apple.nextmedia ... 161110/19828227

TOP