【貼相放閃】
盛品儒和蔡一鳳去年11月在港註冊，人妻昨趁520日子在fb貼相晒幸福。
亞視前高層盛品儒和蔡一鳳去年11月低調閃婚，昨日適逢「520」，正是兩人相識兩周年，蔡一鳳在facebook貼出他們去年在港註冊時拍的照片晒幸福，盛品儒欠老婆一個盛大婚禮，兩人計劃今年10月8日在中環四季酒店筵開逾30席廣宴親朋。
盛品儒直認今年10月會在四季酒店補擺喜酒。
去年閃婚的盛品儒和蔡一鳳，註冊當日只邀請至親見證。互聯網圖片
蔡一鳳享受做人妻，昨在fb貼出註冊照片後說：「兩年前的今天我們遇見了人生中重要的陪伴。相識兩周年快樂老公。520」，蔡一鳳昨接受電話訪問時說：「我哋舊年11月19日喺紅棉道註冊，老公預一般排期都要半年，點知最早嗰一日就係呢日就結啦。」蔡一鳳坦言必會為盛家繼後香燈，有意做多仔婆，生四名子女。
盛品儒被老婆隔空示愛冧爆，他昨也在電話回應：「我兩年前認識咗一生最重要嘅人，希望我哋白頭到老，仲有跟住嘅三年、四年……我哋會越嚟越開心。」盛品儒表示已開始籌備10月的婚禮，預計花過百萬迎娶至愛，他豪氣地說：「咁一世人一次，唔慳得。」盛品儒昨日要工作未暇與老婆慶祝相識兩周年，但月尾會拍拖歐遊：「到當地任老婆碌卡買嘢補數。」旅程會順道造人嗎？盛品儒風騷說：「一直有造。」
採訪：唐如、比華利
from:
http://hk.apple.nextmedia ... 150521/19154597
