盛品儒爆出小三老婆夜審要跪玻璃背妻媾女認錯

現年39歲的亞視前高層盛品儒花弗有前科，新婚未夠兩年，前日又爆出有小三Tasha，女方不甘遭冷落，爆料指曾為盛品儒「落仔」，她自稱手頭有醫生紙和超聲波證明，昨以短訊攻勢逼盛品儒夫婦見面兼對話。盛品儒再度偷食闖禍，馬上淆底向太太蔡一鳳認錯，前晚經老婆夜審後，盛品儒昨自爆徹夜跪玻璃求原諒，承諾會生性。

亞視前高層盛品儒前年跟銳思集團主席蔡一鳳拍拖時，男方曾被爆街頭啜爆C奶𡃁模郭奕芯（Ashina），蔡一鳳一度嬲爆險釀分手，盛品儒同年即用一紙婚書成功箍煲，去年底補擺婚宴。但前日又傳出盛品儒再出軌，有人在香港討論區開帖，呻遭人搞大肚要落仔。

前日有網友在討論區申訴遇上名人感情騙子，並揞名爆：「成年啦，佢每次都係叫我等佢……佢𠵱家創緊業好忙，佢叫我等佢返嚟……其實6月嗰陣時我有咗，我冇話畀佢知，因為我知道佢一定會驚……」前晚有讀者爆料指事件涉及盛品儒，昨日繼續有讀者起小三底，有指她叫Tasha，她不時在fb貼出腿張開大跳鋼管舞相，甚至貼展示胸前事業線的誘人照片。

【錫面冧妻】
盛品儒前晚自知闖大禍，跟老婆睇完戲當街情深一吻冧對方。

【死纏唔放】
盛品儒昨已傳短訊跟Tasha講清楚，但女方仍狂傳短訊求見，更在短訊中直認仍然喜歡他。

【騷擾正印】
Tasha昨日在fb傳短訊給正印蔡一鳳要求對話。

蔡一鳳：喺結婚前識

記者前晚短訊盛品儒求證令小三「落仔」傳聞，他回覆：「又俾人黑？當然否認，沒有此事，我沒有。」蔡一鳳向老公審問後，前晚在電話中回應：「James（盛品儒）解釋同個女仔喺結婚前識，記得舊年2月，有晚半夜老公收到個女仔短訊，我當時都查問咗，仲要老公快啲同人講清楚，唔好畀人幻想同希望。James同時承認幾個月前，我出咗trip，佢背住我同個女仔出去飲嘢，我就話佢結婚前點玩都得，但結婚之後就要對家庭負責任，佢都話知錯，堅決否認同女仔有親密關係。」兩公婆之間突然彈出小三Tasha，蔡一鳳仍有EQ㩒住怒火，前晚還孖咇到銅鑼灣時代廣場睇戲，離開時更十指緊扣，蔡一鳳等𨋢時又讓盛品儒錫面，還做柴可夫載老公返歸

【小三曬乳】
盛品儒小三Tasha不時在fb貼出爆乳三點式泳照騷身材。互聯網圖片

【倒奶絕技】
Tasha除擁有巨咪，還會跳鋼管舞。互聯網圖片

盛品儒昨晚做「跟得老公」陪蔡一鳳去澳門出席晚宴。

「出去飲過幾次嘢」

記者昨日再致電盛品儒，他解釋搭上小三Tasha經過：「我結婚前同佢透過fb網聊識嘅，老婆成日出差，陪唔到我，有時又嗌交，我咪識女仔激佢，我哋出去飲過幾次嘢，佢成日想見我，我話下次先，我承認係拖住對方，我處理得唔好，我都要同佢講『對唔住』。」盛品儒強調沒跟Tasha發生親密關係，也沒影過情慾相，對於有人在網上大爆落仔，問他會否考慮法律追究？他竟大方說：「我諗唔好搞大件事，我都有錯，我話斬纜又冇同佢講清楚，呢次講清楚，嚴正啲。」盛品儒認死狗求老婆原諒：「我跪咗成晚玻璃，膝頭都損曬。」更不忘擦老婆鞋：「我好對唔住我老婆，我娶到呢個老婆三生有幸。」蔡一鳳經過一晚冷靜已原諒老公，盛品儒明日會去泰國公幹，他臨時決定帶老婆同行，以旅行補鑊，昨晚他又黐實蔡一鳳去澳門出席活動。

記者昨致電Tasha求證，她的手機轉駁到留言信箱。但Tasha昨午不斷傳短訊給盛品儒求見面兼力斥他不是，即使盛品儒斬釘截鐵絕交，但Tasha仍咬著不放：「你會搞大你朋友的肚嗎？醫生紙、超聲波照，我還留住……我知道你很憎我，但我仍然鍾意你，如果不是你，我不會下掉（墮胎），你必須為自己做的事負責。」盛品儒狠心不覆，她便在蔡一鳳fb留言，欲相約正印講數。

採訪、攝影：陳傑、梁繼光、朱志聰
from:http://hk.apple.nextmedia ... 160317/19532349

陳柏霖
盛品儒婚後被爆於網上結識異性，二人的私人訊息被公開，過去也有藝人被爆網上聊天紀錄，而爆出緋聞或婚外情。

陳柏霖

日前台灣男星陳柏霖被爆偷嗒內地辣模丁旎，流出疑似微信圈中的合照及二人的對話截圖，有指二人已秘戀兩年。

周渝民（仔仔）

今年1月，仔仔捲入桃色新聞，一名泰國女子Pear於泰國召開記者會，並公開與仔仔的短訊，力證曾與仔仔發生性關係後懷孕，仔仔經理人否認其事，並於泰國提刑事及民事訴訟。

陶喆

已婚的陶喆去年被爆偷嗒李威的內地前女友楊子晴，網上瘋傳二人曖昧的微信對話截圖。

郭富城

城城前年驚爆疑撩女互晒肉照，23歲的D cup巨咪留學生R小姐，公開疑似與城城的微信對話，還自爆兩人拍拖三個月。

no caption）
羅志祥（小豬）

09年，台灣歌手小豬被自稱做model的港女網友Fanny，公開nude住上半身的人肉視訊，更將二人的大膽MSN內容公開。
from:http://hk.apple.nextmedia ... 160317/19532366

蔡一鳳大前晚夜審完偷食老公盛品儒，前晚又糖黐豆出席澳門活動。

現年39歲至chok亞視前高層盛品儒，雖跟銳思集團主席蔡一鳳已婚，但他未肯修心養性，近日除爆出有小三Tasha，女方更自稱曾為盛品儒墮胎，盛品儒認數月前趁老婆公幹約會Tasha，更自爆為此跪玻璃向老婆認錯，兩公婆今日出發泰國度假補鑊。但小三Tasha昨日凌晨再現身facebook怒插盛品儒，要求他道歉。

小三Tasha昨日凌晨在fb留言鬧爆負心漢盛品儒，要求男方當面道歉：「呢一年我條氣唔順，所以先係咁打畀佢，我真係用心待你。」Tasha不屑盛品儒否認跟她發生過關係，她力斥：「如果乜都冇發生過，一個女仔會需要做到這個地步嗎？你屋企幾樓、幾室我仲記得。」Tasha數臭盛品儒，卻大讚其妻蔡一鳳肯給他打圓場。

Tasha不屑盛品儒否認跟她發生過關係，自稱記得對方屋企住幾樓、幾室。

小三Tasha昨日凌晨又再在facebook貼文數臭盛品儒。

蔡一鳳前晚在fb貼化妝師Gary為她扮靚的相，心情未受影響。互聯網圖片
「捍衞家庭是女性本能」

就Tasha所言，盛品儒昨短訊回覆：「不作回應，我先安撫我老婆最重要。」他封嘴避談，主要因為這件事遭家中長輩訓話。盛品儒昨晚原定會到灣仔出席電影活動，但臨時甩底。蔡一鳳昨更新fb：「希望老公痛定思痛，我之前太忙，這位小姐才有機會不停撩老公，希望她回頭是岸。一年前已經請呢位小姐唔好再不停發訊息打電話給我老公，捍衞家庭是女性本能。」

蔡一鳳繼續保持EQ，她昨短訊回應：「就算『每件事都爛透了我還是很快樂』，因為活着就值得我們感到開心。有些時候經歷低潮只是為了讓我們再次感受自己是多麼幸運。」對於Tasha昨狠插盛品儒，蔡一鳳則說：「其實我希望呢位女仔快點清醒。James（盛品儒）發畀佢嗰啲堅決唔往來嘅訊息我都睇到，但係佢講嘅，我一啲都睇唔到證據。」

採訪：楊定
from:http://hk.apple.nextmedia ... 160318/19534070

盛品儒和蔡一鳳昨早拍拖到泰國散心，訪問其間，蔡一鳳說到哽咽兼鼻紅紅。

有偷食前科的盛品儒日前被揭偷嗒爆乳小三Tasha，女方自爆為盛品儒「落仔」，自稱手上有醫生紙和超聲波證明。盛品儒事發後即向老婆蔡一鳳認錯，昨更攜妻到泰國公幹兼散心，兩人手上都沒戴婚戒，他們解釋沒這習慣。

盛品儒孖老婆刻意晒恩愛：「太太原諒咗，件事好困擾，搞到佢食唔到嘢瘦晒。」蔡一鳳謂對老公心中有數，但訪問時哽咽說：「多謝呢個女人，我唔會理佢講啲嘢真定假，佢令我知道男人係會返屋企。」

小三Tasha昨不屑盛品儒揶揄她癲，她表示對男人死心。資料圖片
Tasha：我會死心

盛品儒拍蔡一鳳膊頭安慰：「我覺得佢（Tasha）癲癲哋，可能要叫佢睇心理醫生！」蔡一鳳分享御夫術：「男人個心，如果係鍾意，推佢走都唔會走。」盛品儒否認令Tasha「落仔」，他說：「男人受到引誘最緊要識返屋企。」Tasha爆知道盛品儒住址，他反寸：「佢咁想見我，咪嚟我屋企見我！」

盛品儒揶揄Tasha是癲，她昨電話回應：「話我癲咪癲囉，我唔想再拗。」Tasha強調與盛品儒交往沒有目的。她覺受傷：「我越揭佢（盛品儒）啲嘢，佢老婆會越傷心。」Tasha昨主動為事件畫上句號，她哽咽答：「我都要講Sorry，我會死心，怪自己冇帶眼識人，唔想再講。」
from:http://hk.apple.nextmedia ... 160319/19535734

盛品儒、蔡一鳳
盛品儒早前背着老婆蔡一鳳暗交爆乳小三Tasha，更遭Tasha爆料為盛品儒「落仔」，女方聲稱手上有醫生紙和超聲波證明。事件曝光後，蔡一鳳發揮極強EQ護夫，連日忍氣吞聲，夫婦前日出發到泰國度假，盛品儒在機場時喪鬧Tasha「癲癲哋」，叫她看心理醫生，蔡一鳳前晚也在facebook唱雙簧寸Tasha。

老婆蔡一鳳怒氣未熄，盛品儒奉獻手臂被咬，牙印相當清楚。

Tasha前日已為事件收聲，反而蔡一鳳卻爆料指Tasha曾用同一手段害另一名人，但沒公開受害者是誰。蔡一鳳發火，前晚在泰國酒店房內「體罰」盛品儒，為讓老婆息怒，盛品儒遞上右手任由蔡一鳳狂咬洩憤，深深牙印清晰可見，蔡一鳳昨在WhatsApp回應：「好大力咬到佢大叫。」而Tasha昨再潛水避傳媒。

採訪：楊定
from:http://hk.apple.nextmedia ... 160320/19536943