前港姐吳忻熹懷孕七個月，身為高齡產婦的她為自然分娩誕下健康B女，向導師學習瑜伽以強身健體，更分享站樁心得，笑言身心都做好準備！
懷孕七個月的吳忻熹勤做瑜伽，希望強化身心等待生B。
「升呢」做媽媽的女星吳忻熹（原名：吳文忻）預產期在七月底，首次佗B的她不擔心做高齡產婦，更落足心機學習瑜伽以及站樁等有益身心的運動，實行身心做足準備冇有怕。
吳忻熹在導師指導下練瑜伽，動作靈巧。
邊聽人生哲理
忻熹日前向導師學習有助孕婦生產的瑜伽，腹大便便的她雖然已經懷孕七個月，但在導師Kenny指示下，忻熹靈巧地完成多個動作，緊張腹中塊肉的她更跟足指示避免壓到肚及過度伸展造成傷害，更期望能透過瑜伽強化下身筋骨，問會否自然分娩？她說：「我嘅醫生主張開刀生會較安全。」
另外她更分享站樁運動的成果，笑言有助身心之餘更令她有所體會：「站樁要每日做半個鐘，做嘅時候我會聽住啲人生道理，令我喺運動嘅時間身心都好平和，個人無咁浮躁。仲有時間去靜靜思考成為媽媽呢個轉變，啟發我平衡老公、BB嘅角色。」
佗B女皮膚靚
當上靚靚大肚婆的忻熹，原來因懷女胎而明艷照人，她笑說：「已經照到係囡囡，朋友話佗女因有女性荷爾蒙會皮膚變靚，依家七個月已經重咗廿幾磅，臨尾生嗰個月會再肥！（已取名字？）等囡囡出生後個時辰八字再搵師傅夾個好名。」
from:
http://orientaldaily.on.c ... /00282_050.html
