■好鍾意小朋友嘅楊紫瓊，噚日喺台灣話曾做過人工受孕，可惜唔成功。台灣《蘋果日報》
■楊紫瓊同Jean Todt拍拖八年，可惜未能如願做媽媽。資料圖片
現年49歲嘅楊紫瓊同66歲國際賽車聯會主席未婚夫Jean Todt拍拖八年，相處恩愛，男友仲日日同佢求婚，但係楊紫瓊唔想被一張婚書束縛，不過佢一直有個心願，就係想做媽媽。
領養補遺憾噚日楊紫瓊去咗台灣出席美容產品活動，佢自爆曾做過人工受孕，可惜最終都失敗，佢冇交代人工受孕嘅過程同細節，但提起失敗經歷佢都不禁沮喪話：「惟一想做一件事，但是做不到，每個人當然都會有點不開心。我覺得最重要就是，你知道這是你的命，有你就可以有，但是沒有也沒辦法。」楊紫瓊話好鍾意小朋友，好在佢屋企人都有好多小朋友，加上佢覺得可以領養代替：「我和男友年紀都大，所以一切順其自然。」
楊紫瓊家每日都做運動，連男友都被佢感染；原來楊紫瓊前晚喺法國抵台後發燒又屙又嘔，噚日一返後台就成身震。
