張繼聰昨日到港台接受訪問，順道宣傳新碟，他說其中一首歌是講時間耐了，很多人和事都會變，可能變好或變壞。談到跟老婆謝安琪這麼多年，張繼聰表示跟老婆感情一齊成長，他說：「我哋一齊經歷咗好多，但係大家諗法仍然一樣，呢樣嘢係好可貴。有時有啲情侶、舊同學，隔耐咗都變得唔friend，呢啲講緣份。」
「見到Eason冇嘢」張繼聰又表示跟老婆關係越來越好，他說：「每次經歷就好似打機，每關都遇到大佬，而且啲大佬越嚟越勁。」問到他口中的「大佬」指是非新聞，或是情敵？張繼聰說：「係話傳聞，又有雜誌反而戥陳奕迅（Eason）慘，話我見到貌似Eason嘅記者就變得躁狂，我想話唔係囉！我見到Eason都冇嘢，何況個記者唔似Eason。」
如果您喜歡這篇文章，請按「讚」或分享給您的朋友，以示鼓勵。
