張繼聰鄭欣宜爆房唔成爆粗

1^# 大中小 young 發表於 2016-8-23 23:47 發短消息

張繼聰早前跟太太謝安琪（Kay）睇BB床，未知是否追B成功，昨午阿聰與鄭欣宜現身佐敦一間賓館取景拍「爆房」戲，劇情講述兩人慾火焚身想找地方「解決」需要，怎料遇上賓館沒有房，令阿聰谷爆爆粗。

阿聰指劇情道出年輕人生活上遇到的問題，正如他跟欣宜的故事便涉及「土地問題」，令兩性沒有「繁殖」地，問到跟欣宜有親熱戲嗎？他說：「有呀，但唔會去到好激烈，係做一對好親密嘅戀人。」欣宜則表示敢於演親熱戲，因為拍戲要全情投入放低自己，加上今次跟阿聰有不少親熱鏡頭，絕不會因為跟阿Kay熟而有所避忌，問到阿聰是否有喜事宣佈？他說：「冇呀，有喜事就係有工開。」

採訪、攝影：徐錦池、潘冠恩
from:http://hk.apple.nextmedia ... 160816/19737461

廷伸閱讀/相關主題推介:

相關主題:鄭欣宜張繼聰

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-24 00:06 發短消息

欣宜前男友讚好咀

鄭欣宜前晚喺中環出席化妝品牌唇膏系列活動，仲即場做模特兒示範，鬼馬嘅佢嘟嘴、單眼派飛吻，又被讚嘴唇比例完美，佢笑話：「對身形就冇乜信心，但好滿意自己嘴唇，10分滿分比11分自己，而且我面闊，好配合嘴唇，嘴形好出，感覺成日似嘟嘴錫人。」欣宜又自認好好「咀」，以前男友有讚過佢，欣宜笑話：「OK㗎，拍緊拖更係話好啦。」

撰文：馮仁昭

馮仁昭
from:http://hk.apple.nextmedia ... 160818/19740399

TOP

3^# 大中小 young 發表於 2016-8-24 00:50 發短消息

張繼聰騰雞見阿諾

張繼聰（右）自爆被阿諾問是否很出名，大讚對方友善。

專程來港為「阿諾國際體育節（亞洲站）2016」揭幕的荷李活影星阿諾舒華辛力加（Arnold Schwarzenegger），昨日到亞博主持揭幕禮，親自替醒獅點睛，又呼籲每日運動及希望將健身文化推廣到亞洲。阿諾在半百保安護送下巡視場館，由於人數眾多，所到之處都引起一陣混亂，其後他去到張繼聰有份代言的健身攤位，更和阿聰握手合照兼輕拍心口。

阿聰事後說：「阿諾問我係咪好出名，所以有咁多傳媒影相，我話係代言人兼演員，佢叫我繼續努力，我知意思係努力做gym，但我當係叫埋我努力做戲。」阿聰又大讚阿諾友善：「自己都算見過世面，但知道阿諾就快嚟到時，都有啲緊張，要同自己講鎮定唔好面青，唔好失禮。」

採訪：曹家誠
攝影：陳俊強
from:http://hk.apple.nextmedia ... 160821/19744282

TOP

4^# 大中小 young 發表於 2016-8-24 01:01 發短消息

張繼聰畀吳日言篤胸

惠英紅同陳家樂主演嘅電影《幸運是我》，外間焦點都留意小紅姐扮嘅腦退化病人角色，除咗催淚，其實仲有笑位，就係張繼聰同吳日言（圖）呢條感情線。社區中心嘅廚房佬阿聰戀上演社工嘅吳日言，阿聰捉住拎百力滋嘅吳日言，係咁篤佢42吋巨胸。阿聰個角色愛搞爛gag，導演仲容許佢爆肚，有場戲要佢喺廚房扮打鼓唱歌，幻想參與奧運劍擊。

撰文：馮仁昭
from:http://hk.apple.nextmedia ... 160822/19745216

TOP

5^# 大中小 young 發表於 2016-8-24 01:56 發短消息

欣宜阿聰親熱好刺激

欣宜和阿聰在戲中演情侶，以黑色喜劇反映港人面對住屋問題。

鄭欣宜、張繼聰、連詩雅及雨僑等昨日在新蒲崗拍電影《西謊極樂之來自太空艙的你》，擠在狹窄環境拍攝，反映巿民面對住屋問題。欣宜和阿聰在片中演情侶，阿聰說：「講我哋好想結婚，想做一啲激進情侶想做嘅嘢，要搵地方一展所長，但去出面開房都冇位，最後諗到有個地方令大家伸展。」

連日在狹窄環境開工拍親熱戲，欣宜覺得好刺激，但現實生活從未幻想過這個境況，阿聰坦言：「以黑色喜劇形式講香港現時生活狀況。」連詩雅演周柏豪女友，她指自己曾遇上租金及住屋問題。有否遇上戲中阿聰和欣宜經驗，連詩雅說：「唔會咁大需求要專登搵個地方，我冇咁激情。」

採訪：卓寶花
攝影：陳俊強
from:http://hk.apple.nextmedia ... 160823/19746431

TOP

6^# 大中小 young 發表於 2016-9-11 17:41 發短消息

欣宜慶祝妹妹入醫科

鄭欣宜昨日在西環為自家品牌餅店推出月餅禮盒宣傳，兼做生招牌。欣宜病了一個星期，問她中秋節怎樣過？她說：「要去一個地方為演唱會做啲事前準備，但唔講得住，預計中秋會喺飛機上度過，會帶定月餅派畀身邊人食。」欣宜透露跟父親鄭少秋預祝中秋節：「有燕窩、有鮑魚同片皮鴨，以為自己生日。嚟緊自己有演唱會，妹妹（鄭詠曦）大學入到醫科，好多嘢慶祝好溫馨。」
from:http://hk.apple.nextmedia ... 160827/19750623

TOP