十位準港姐及十二位準港男，上星期到番禺長隆拍攝《當香港小姐遇上香港先生》特輯，齊齊以泳裝示人。大熱港男8 李偉健露出八舊腹肌大晒完美身材，可惜今屆港姐質素大跌，泳裝環節反被前落選港姐高海寧的W 胸搶盡風頭。
身材樣貌唔夠人揮，到日本拍外景期間經常大叫大笑引人注意的1 號曾曦寧，今次番禺之旅繼續嘩眾取寵，除了人前唧胸「扮有料」的指定動作，玩機動遊戲時扮驚大叫大嗌，又話整親條頸唔舒服，總之陰招盡出。
有心露
水戰完畢，佳麗圍住毛巾登上哥爾夫球車返酒店梳洗，見人影相，1 號曾曦寧馬上拉低毛巾打開心口露胸任影。
浮誇叫
到遊樂場玩「U 形滑板」機動遊戲，5 號馬詠恩（左）明明驚到面青但死撐冇問題，1 號曾曦寧（右）則不斷尖叫兼面容扭曲，又話玩到頸痛，零舍誇張。
今年港男比港姐質素高，曾被揭喜歡溝女及易服的「嫩版必文」10 號吳雲甫，以及有八嚿腹肌的「靚版王貽興」8 號李偉健，均是大熱門。
左至右
12 號呂庭鋒
11 號郭田葰
10 號吳雲甫
9 號林建邦
8 號李偉健
7 號許家傑
6 號鄭子揚
5 號田學維
爆瘡
有「翻版徐淑敏」之稱的3 號鄭寶源，屬港姐大熱人馬，可惜身材時大時細涉嫌「人工僭建」，加上三日番禺之旅額頭爆晒瘡，靚樣頓時失色。
最搏命
一眾港男大玩水上排球，只有3 號鄭寶源（箭嘴）最搏命，唔怕濕身失儀衝落水救波。
鬥大胸
去年落選港姐高海寧，以橫間縛帶泳衣大晒34C 「W 胸」，比起今屆乳牛港姐、9 號袁嘉敏（左圖）效果更加胸湧，高海寧自豪說：「乜今年唔係有個身材好勁嘅咩？不過我都未見到。」
高海寧、張嘉兒、鄧上文、陳柏宇擔任才藝表演壓軸表演嘉賓，之前班港姐唔係甩嘴就走音，好在有師姐高海寧以谷胸舞衣加魚網絲襪上陣，大擺S 腰跳舞，成為整晚節目高潮位。
大口妹
大會安排港姐大顯才藝身手，「女版許願」2 號林潔瑜獻唱容祖兒的《心花怒放》時，表情肉緊又搏命擘大個口，非常嚇人。
爆笑位
盛傳是女同志，狂追5 號馬詠恩的4 號劉倩婷，又唱又跳一曲《我真的愛你》，由於舞姿誇張騎呢，將全場悶爆氣氛化為笑聲。
跟港男12 號呂庭鋒，到滑水天梯玩傳水球遊戲，中途突然爆波，1 號曾曦寧人急智生，扮驚低身俾記者任影波罅。
拉低俾你哋影！（設計對白）
