食娛樂圈飯，最緊要有自己icon，形象鮮明，咁先可以突圍而出。
呢日喺銅鑼灣，唔係八珍好眼力，而係呢位小姐實在太突出，就算佢戴住cap帽，耷低頭遮晒眼，八珍都單憑佢棚哨牙，一眼就認出係港姐雷莊兒。
雷莊兒手臂好多粒粒，皮膚唔滑溜。
未見其人，先見其牙！（設計對白）
就算睇唔到佢對眼，都認得佢棚牙。
話之棚牙成日俾網民惡搞，keep住當icon嘅雷莊兒反而好緊張護膚。呢日約埋個friend去揀護膚品，見佢左試右試，細心挑選。八珍行近啲睇，發現呢位冠軍港姐手臂好多粒粒呀！棚牙就當icon啫，皮膚差就會影響出鏡，削弱競爭力，難怪雷莊兒要急救皮膚先啦！
雖然男友係牙醫，但佢唔急整吓棚牙。梗係，icon嚟㗎！
話之凸出個小肚腩，一樣著緊身衫出街，呢個就係我行我素嘅雷莊兒。
未卸任，雷莊兒履行港姐親善大事之一，就係返到屋企，同樓下看更有講有笑。咁親民，真係對得住冠軍之名。
食完飯，行完街，雷莊兒就同個friend say goodbye。
撰文：八珍
攝影：李玄
港姐雷莊兒懶去箍牙急護膚
