張繼聰、王若琪及樂隊ZARAHN 前晚在中環一間酒吧舉行音樂會，一身西裝打呔look 的張繼聰表示，今次除了是音樂會，更是經理人公司周年晚會，所以大家齊來開派對，他笑說：「好少著西裝咁隆重，因為我少嚟蘭桂坊玩，咪執正啲咋，嚟呢度唔係為睇女仔，我淨係睇男仔。」
願夫妻檔行善
周國賢（中）的樂隊ZARAHN 由四人加到變五人組。
最近有不少報道指張繼聰謝安琪夫婦感情有變，有相士批會離婚，張繼聰說：「啲新聞層出不窮，睇完身體會好啲，因為大膽咗，又話搞離婚咁，冇所謂啦！不過傳媒要互相尊重，唔好搞到細路仔。」有指他和太太謝安琪在公開場合較避忌，不願影合照，若是為慈善會否一齊合作？張繼聰表示若有機會也無妨。採訪、攝影：胡比
張繼聰對被傳與太太謝安琪（小圖）婚姻不穩，只一笑置之。
from
http://appledaily.atnext. ... art_id=12093843
