由「影帝」黃秋生、「視帝」黎耀祥及「視后」胡杏兒合演的無綫重頭劇《梟雄》昨日舉行記招，此劇以「天文數字」製作，更會斥重資於上海拍外景，演上海大亨的秋生未開拍已霸氣十足，坦言今次是為答謝監製王心慰當年提攜，不過秋生笑言要倒貼拍劇，更指酬勞連入油錢都未必夠。
影帝黃秋生將與兩位好戲女演員胡杏兒及蘇玉華拍劇。
黃秋生、黎耀祥、湯鎮業及吳卓羲等昨日出席《梟雄》記招，女主角胡杏兒、蘇玉華因工作缺席。秋生已20年沒拍香港電視劇，今次演出是要答謝監製王心慰當年提攜他首次當男主角，他說：「唔係還人情，係一個心願想再拍王心慰嘅戲，當年仲喺亞視，多謝佢搵我拍《王昭君》。」
「入油都唔夠」
問秋生今次拍劇有甚麽要求﹖他說：「化妝同住嘅地方，返內地拍嘢，住好緊要，休息得唔好會好攰。」
問秋生是否要倒貼﹖他笑說：「返嚟嗰份入油都唔夠啦，要倒貼咁滯。」
王心慰揚言今次是她於無綫拍劇以來用最多錢的一套，可謂天文數字，拍攝檔期更比一般劇長，要近半年，問以甚麼打動秋生，她謂：「套劇有句對白，『金山、銀山不及人情山』，人情好緊要，唔好講錢。（想唔想秋生攞視帝？）所有拍我劇嘅都想佢哋攞！」
胡杏兒
蘇玉華
祥仔期待與湯鎮業合作。
祥仔期待合作
秋生再接受電話訪問時被問到拍此劇有甚麼要求，他坦言向無綫爭取用兩部機拍，問要拍半年，推了的工作酬勞損失多少？他說不會計較。說到視帝，他謂：「有咪多謝，冇都冇所謂，金像獎都唔恨攞！除非奧斯卡。」
祥仔期待與秋生及湯鎮業合作所產生的化學作用，30年沒在港拍劇的湯鎮業表示接拍是被劇本、角色及監製誠意打動。
from:
http://orientaldaily.on.c ... /00282_017.html
