林文龍（右）坦言舒琪要為自己的言論反省。
羅霖前晚盛裝打扮，為首屆世界和平小姐大賽做評判。
吳卓羲、羅霖及林文龍等前晚於灣仔為「第一屆世界和平小姐大賽」擔任評判。7月已約滿無線的吳卓羲，透露正於內地拍攝，他說：「自己希望分散投資，內地同大馬都係一個好大嘅市場。」他指無線雖曾與他傾續約，但仍未有落實。問他是否因多位舊拍檔離巢所以亦選擇不續約？他說：「咁都要睇個人意願同埋公司嘅安排，人工係重要，但放我去發展更加重要。」提到胡杏兒遭封殺，不被安排出席宣傳台慶劇，吳卓羲表示自己仍有份宣傳。
同場的林文龍則對影評人舒琪，指其電影《我們停戰吧》所得的獎項有造假之嫌一事而大感勞氣，他坦言事件已交由律師處理：「舒琪先生冇買飛入場睇過就妄下判斷，佢應該為自己嘅言論，好好反省同檢討。」
採訪、攝影：卓寶花
from:
http://hk.apple.nextmedia ... 150928/19312353
