通訊事務管理局前日公佈有關控制及管理亞洲電視的最後調查報告，並向亞視罰款最高100萬元，以及指令下月2日前終止執行董事盛品儒職務。
杜汶澤力撐盛品儒勿辭職，有助亞視被吊銷牌照。
亞視出身的杜汶澤，昨日在荃灣出席電影《超級經理人》宣傳，他說：「王征同盛品儒呢幾年搞到污煙瘴氣，呢兩個人陰陽怪氣，之前政總跳舞，好似去夜總會跳舞咁。可能呢個禮拜梁振英放假，香港好似好有希望，政府有做到嘢，又罰佢錢，又話炒盛品儒，我哋應鼓勵佢繼續喺度，等夠7日違反，就吊銷佢牌照，應該全城鼓勵佢死撐唔好辭職。」
曾為亞視效力的梁榮忠前晚在柴灣錄影時也說：「我覺得盛品儒係一個有承擔嘅人，但就好想用學者身份了解吓王征同盛品儒點解可以搞到間電視台咁詭異。」
黎燕珊昨日表示最關心亞視員工的變動狀況，她說：「員工好似變色龍識隨機應變，適應力很強，唔理發生乜嘢事，只要做好份內事就可過關。」但黎燕珊卻避談盛品儒工作表現。
from:
http://hk.apple.nextmedia ... 130825/18393452
