袁潔儀呻亞視仍欠糧

1^# 大中小 young 發表於 2016-6-7 01:08 發短消息

相關主題: 亞視

（左起）袁潔儀及蔡國威指亞視仍欠糧，寶珮如稱會幫老友。

蔡國威、袁潔儀及寶珮如等昨日到馬鞍山出席「粽有裡心」端午派糭活動，威仔指多做善事能感染多點正能量：「因為仲未收到（亞視）錢，真係拖得太耐，成日望住個電話，搞到有啲精神緊張。」

身旁的潔儀亦稱：「之前話30號前出曬票，嗰幾日連開工都袋住個電話，我知道係唔夠專業，但真係冇辦法。好彩我哋有啲好朋友，好似寶珮如咁成日問我掂唔掂。」寶珮如即笑謂之前潔儀幫過自己，現時只希望幫到就幫：「其實係我老公叫我問嘅。全部嚟曬我屋企食大鑊飯啦。」

採訪、攝影：盧妹
from:http://hk.apple.nextmedia ... 160606/19642486

廷伸閱讀/相關主題推介:

相關主題:亞視

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-9-14 23:55 發短消息

袁潔瑩迷戀Danny

袁潔瑩表示只有陳百強一個偶像，還幻想過與對方拍拖。

陳百強（Danny）離世23年，本月7日才正式成立「陳百強國際歌迷會」，前晚在灣仔舉行成立典禮，邀請了Danny的爸爸、哥哥、姊姊、契爺等家人，圈中朋友就有陳寶珠、袁潔瑩、鄭國江及徐日勤等。

袁潔瑩慶幸入行早可以跟Danny做朋友：「佢係我偶像，上過佢屋企食飯，可以影相飲嘢已經好滿足。我偶像就得Danny一個，可以講係迷戀，幻想過同佢拍拖，不過一直都唔敢講，驚連朋友都冇得做，有時同佢一齊都有心跳感覺。」

寶珠姐則表示對Danny的回憶不算多：「我知佢視我為偶像，不過以前冇乜太多機會接觸，當時佢仲好細，反而我聽過佢唔少歌，香港都難搵到好似佢咁有才華嘅歌手。」

採訪、攝影：曹家誠
from:http://hk.apple.nextmedia ... 160912/19767715

TOP

3^# 大中小 young 發表於 2016-10-25 21:03 發短消息

袁潔儀要同老公洗腦

袁潔儀同葉家寶等噚日喺又一城出席電影《極鬪2》首映，講到潔儀加入無綫已快半年，佢話客串咗兩套劇集，不過開工時間唔穩定，老公有冇詐型？佢笑住話：「我會洗佢腦，不過佢好容易適應，其實科技咁發達，而且小別勝新婚，個心喺佢度咪得囉。」提到亞視欠家寶7位數字款項，家寶話：「上星期收到通知，今個月底可以盡快解決到。」

撰文：馮仁昭
from:http://hk.apple.nextmedia ... 161024/19810261

TOP

4^# 大中小 young 發表於 2016-11-18 01:38 發短消息

袁潔儀拍咀戲要備案

袁潔儀和Sam哥在新片中咀足30秒。

袁潔儀跟梁成致（Sam哥）主演的《屍小姐Z》即將上映，一向形象清純的潔儀姐姐在片中跟Sam哥有大膽的濕吻戲，是她從影以來最大膽的一次，潔儀說：「拍亞視劇《曲終情未了》，曾經同甄志強拍過接吻戲，嗰陣真係掂一掂嘴仔就拍完，今次演Sam哥女朋友咀足30秒，好彩同佢好熟冇乜尷尬，事前亦同老公備案，老公明白係工作需要唔會介意。」

而有份參演的吳堯堯（仙樂都）在片中飾演未婚懷孕、被男友拋棄，吸食毒品又變成喪屍，再產下喪屍仔，仙樂都說：「我專登上Discovery Channel睇啲外國女人生仔過程，睇佢哋好痛叫得好大聲，證明生仔真係好辛苦，嚇到我都唔敢生。」

撰文：栐仁
from:http://hk.apple.nextmedia ... 161109/19827136

TOP

5^# 大中小 young 發表於 2017-1-1 20:04 發短消息

袁潔儀拍網劇搞姊弟戀

袁潔儀昨日以恒愛大使身份，到維園工展會出席「情牽一線恒愛傳情」啟動禮，同場有蔡國威及葉家寶。亞視出身的袁潔儀及蔡國威都簽約無綫，袁潔儀說：「𠵱家撞到亞視嘅舊同事，見我簽咗TVB都戥我開心。」

而袁潔儀和高海寧合作拍網劇《不懂撒嬌的女人》，她說：「劇中同袁文傑有感情戲，發展姊弟戀。」

採訪、攝影：張俊銘
from:http://hk.apple.nextmedia ... 161211/19861689

TOP

6^# 大中小 young 發表於 2017-7-27 21:19 發短消息

袁潔儀俾人叫阿嬸

葉家寶計劃請袁潔儀幫手做慈善活動。

袁潔儀與葉家寶前晚在北角新光戲院出席「手機短片創作比賽頒獎禮」慈善活動，袁潔儀最近復出拍劇即被讚凍齡，她說：「我返內地工作啲人以為我得30幾歲。」談到和亞視舊同事袁文傑（阿叔）合作拍劇，她笑謂：「我哋以前喺亞視冇合作過，阿叔keep得一流，我大過佢，啲人叫我阿嬸。希望下次合作可以有進一步嘅身體接觸，我同袁文傑好夾。」

此外，葉家寶透露正籌備創世電視新製作：「到時開一啲唔同節目，問TVB攞人，我哋關係友好。」

採訪、攝影：卓寶花
from:http://hk.apple.nextmedia ... 170727/20102446

TOP