阿信屋搞埋飲食集團，早排先開咗間雲吞麵店。 資料圖片
CEC國際（759）旗下阿信屋做做下零售，𠵱家發展到做埋飲食集團，繼早排喺長沙灣開咗間雲吞麵店，前日又喺葵湧開茶餐廳，就快開埋車仔麵店同埋咖啡室，搞到好似乜都關佢事，而且仲係捉唔到路，完全唔知老闆林偉駿下一步想點。
林偉駿就解釋，每次開一間新食肆，都唔係預先諗好至去開，反而係以師傅做主導。舉例話，佢正計劃喺九龍灣國際展貿中心開間車仔麵舖，暫定下星期開張，師傅就係來自𠵱家間雲吞麵店，佢希望畀到每個師傅一定空間，得以發揮所長。
佢見又一城Page one，賣書之餘又有咖啡店，靈機一動，就決定喺大埔開間阿信屋咖啡店，本月底開業。
孖屐之前成日憧憬CEC國際可以將零售業務分拆上市，再發展落去，將來可以分拆埋飲食業務都得喎，君不見近年多間飲食集團輪住上市咩？
李華華
LiWaWa@AppleDaily.com
from:
http://hk.apple.nextmedia ... 141105/18923813
