Sony PS3巿場部總經理James噚日搵小妹，話賣咗23年嘅殿堂級RPG（角色扮演遊戲）Final Fantasy，歷史性推出中文版XIII，啱啱嚟到香港，叫小妹嚟試機。講到咁巴閉，即刻走上門，未入到Sony門口就聽到打到嘭嘭聲，入到門仲見個game嘅女主角雷光（Lightning）真人出現，睇真啲，原來係o靚模Aki扮成雷光喺度打機（圖）。
Aki邊打機邊同小妹講，個game用咗中文介面，所有角色對話，攻擊指示等，全部都有中文字幕，比以前日版投入好多，着埋套衫玩得仲有feel，好啱女仔玩。
James話，以前遊戲軟件商只重視日本、美國巿場，啲games只係得日版、美版，港男梗係玩得冇咁過癮，特別係啲RPG，都唔知古仔講乜，只有喪打。近年軟件商開始重視華人巿場，零星有中文版遊戲。今次RPG龍頭Final Fantasy推中文版，震動咗成個game界，會刺激更多中文版遊戲出籠，「中文版賣$358，另有連原聲大碟、限特版手掣等套裝，賣$799。Fantasy舊款遊戲仲減價七折起。」
電郵：mailto:shoppingjing@appledaily.com
