轉貼.....個故仔係轉貼架.....唔好以為係我
[轉貼]我女友同其他男人上床!!!
好長篇...背景
我同我女友拍o左五年幾拖.
一路我都認為,佢對我好好,我亦對佢唔錯(至少佢屋企人同所有朋友都話我好好,成日同佢講話唔會搵到第二個).
我23 歲開始同佢拍拖(佢細我兩年),o個陣大家o係同一間公司,日見夜見,慢慢就o係埋o左一齊(不過其實佢原本有bf,但我都係事後先知原來都o係o係同一間公司o既同事!).
以前佢好痴我,佢o既世界好細,就得佢同一班好熟o既朋友.我就比較outgoing,都鍾意識多o的人同去玩,不過因為女友唔鍾意(尤其係出來有女仔,even 係一大班人),想我陪佢多o的,我就變得越來越"自閉".不過既然我鍾意佢,咁就佢都冇問題o既!但我有樣o野佢成日都唔滿意,就係唔多會tum 佢(甜言蜜語都係講大話多,所以我唔多講),又唔鍾意講電話,所以可能溝通會比較少.我tum 佢就只會o係o的節日,都會整o的手作仔(特登去上堂)送俾佢,連頸巾我都織過!(當然佢都有織過俾我).
一路都認為佢會係陪我過埋下半世o既另一半,但我始終覺得結婚好大責任,所以一路都係拖得就拖,而女友有時都會問我幾時結婚,因為佢以前覺得25 歲前點都要結婚同生bb.
到年半前,我地決定o左買樓,揀o左一輪之後就買o左.原本我諗住自己一個人供,但都幾吃力,於是女友都幫手供番35%左右(但屋契未有佢名).因為係第一次買樓,所以好緊張個裝修.當然緊張o既原因之一係間屋將會成為我地兩個o既安樂窩,所以我o個陣真係日日番緊工lunch 都會走去睇裝修材料,夜晚就去新屋睇下裝修成點.陪女友o既時間就梗係少o左.裝修o的野,我好想佢會一齊揀,因為想o的o野係佢鍾意先買,但佢真係唔多上心,亦唔多滿意星期六日出街會去o左上海街o個o的睇裝修o野.
anyway,攪o左幾個月,間屋終於攪掂我自己搬o左入去住.女友亦有帶佢媽媽上過來睇,佢又帶佢o的同事同朋友上o黎housewarming.又成日有意無意話o的人成日問佢幾時結婚,又問點解買o左樓成年我都未向佢求婚.到最近,我終於下定決心向佢求婚,哩排搵緊鑽石整戒指,點知......
上個月我出完business trip(兩星期)番來香港,佢就上我屋企整o野俾我食.唔記得o左係咩事,總之突然佢喊...跟住話佢好衰.傾完一輪,佢話我對佢好好,所有朋友都話我好,但佢話之前做錯事,鍾意過其他人.我覺得其實ok,邊個唔花心丫,最緊要自制到.所以我都係安慰佢(其實拍拖咁多年我都唔會鬧佢).
戲玉來了...
點知上星期,又上我屋企諗住煮飯,我攪住佢時佢又喊...又係話我對佢咁好做乜,又話自己好衰.傾完一輪,我真係呆o左...
佢話之前鍾意另一個人,而家都仲有一齊.再問落去,原來仲唔止一個.一個係o係新屋o岩o岩裝修o個陣o既事,維持o左幾個月.佢話o個陣佢o岩o岩轉新工,唔開心,但我又成日掛住裝修o的o野.然後另一個係近幾個月o既事,到而家都未斷絕關係.
ok,既然女友坦白,我覺得我可以原諒佢,於是我都不斷安慰佢話人誰無過,叫佢唔好喊.再傾傾下,佢話真係好錯,之後講o既o野我真係唔識反應了...佢話講完我會踢佢出街,原來...佢同之前o個兩個一齊仲有上埋床.我聽到真係唔知俾咩反應好,我真係諗都冇諗過佢會咁樣!!!
跟住真係犀利,我見佢喊得好厲害,所以我仲反過來繼續安慰佢(我係咪傻o架??),都係o個句知錯能改,之後送o左佢走.
我真係諗唔明,佢點會可以變到咁,竟然同其他男人一齊,仲上埋床...如果係話飲醉酒o個o的都仲比較易接受,但佢唔係囉!!!我真係好痛心.其實佢自從o係年幾前轉o左工都變o左好多,因為轉o左份工會見到好多人,所以outgoingo左好多.變o左掉番轉係佢成日出去玩,我就成日o係屋企.
佢話講出o黎係因為唔想暪我,又怕萬一有一日我o係唔知邊度知道哩件事會更傷心.佢都話就算我真係同番佢一齊都怕我會唔開心,心入便總會有條刺o係度.話既然講o左俾我知,就已經作o左最壞o既打算(分手).
我唔開心就梗o架啦,但我冇嬲佢亦冇怪佢(認真的),因為我覺得我都有一定o既責任.其實我信佢會改(好天真?),但我又會不斷諗,我係咪真係可以原諒佢?我而家原諒到佢,但我接唔接受到之後同佢結婚?日後會唔會後悔?雖然話男未婚女未嫁,但哩頂"綠帽"我真係由頭笠到落腳,感覺真係好差好差.
, GetJetso.com -..
---------------------------------
如果你係個男主角,會唔會同條女分手???
[ 本帖最後由 angelcat 於 2009-5-19 18:26 編輯 ]
請按『讚好』，接收更多相關主題。
如果您喜歡這篇文章，請按「讚」或分享給您的朋友，以示鼓勵。
