今日大市終於來個小突破了.而且大家注意的當然係5仔啦.不過今日停牌,睇來聽日仲有得捱.
之前一眾老散係咁入5仔又如何?依家仲要再拿錢出來,真係供又唔係,唔供又唔係.
你認為5仔會響短期內彈得起,沒可能.兩三年後我唔知,既然唔知,點解仲要入市?唉,咪就係同股票發生感情囉,往往都係出事的.
就算要入佢,都要攪清楚d野先,佢業績有個明確增長都未遲,到時可能比最底位高d,但起碼買得安心,無謂為左少少息而蝕價呢.何況佢依家減派息,大家可以保證佢唔再減?
算啦,呢單野我估就算有人拼死勸人唔好入5仔都係唔會有人聽.佢地輸錢唔關本少爺事,賺左又唔會分俾我.都唔理得咁多.都係睇住自己個plan最好.
雖然今日hsi行支陰燭,但始終成交唔算太大,似乎將會立即大跌特跌又未必,當然唔排除陰乾咁跌.熊3就係咁,陰陰下令大眾死心.
但前浪底11814始終都要睇住.
rsi14:37,如果想入貨的話,望一望可唔可以到30或穿30考慮搏反彈或輕注入會跑贏大市的正股.
如穿11814又如何?可以當好倉止蝕位,又或重建淡倉搏落上年底10676了.不過咁講當然似乎太淡了,但兩手準備吧,唔好一廂情願去亂估頂底.依指標支持阻力同前頂底行事就最安全.
至於388淡倉,因為388已經超賣中,如再跌唔排除響近日先平.等超賣反彈再plan過都可以...
大家亦可以考慮渣強沽弱,大市就算點上沖下洗都唔怕.
今年真係唔算易玩,沖大浪真係未必可以.用耐心去食小浪似乎都可以.出手易忍手難.忍手先係關鍵.難沽又難估...
如果您喜歡這篇文章，請按「讚」或分享給您的朋友，以示鼓勵。
附件
-
hsi02032009d.jpg
(46.43 KB)
-
2009-3-2 20:59
-
38802032009d.gif
(38.85 KB)
-
2009-3-2 20:59
