今日結算,真係精彩絕輪,昨日市後減息,加上老美又由大跌轉大升,大家以為,今日冇一千點有800點的升幅
啦,點知中午結算完,一個回身就同你玩回落,仲要玩左一下倒跌添,呢d市點去估呀?個個可能都會問:"發生
什麼事呀?"
先看看少少資料先:
《經濟通通訊社２７日專訊》港股今日普遍造好，一度升５６１點，迫緊萬四關，惟於期指
結算後，大市於沽盤急增下倒跌，有幸尾市買盤續增，收市報１３５５２，升１８２點，全日主
板成交５０２﹒２８億元，拋空金額有４１﹒９２億元，拋空股份１９０隻。中移動
（００９４１）拋空金額最高有４﹒０５億元，佔成交９﹒７％及佔股份成交１７﹒７％。
匯控（００００５）有拋空額３﹒８８億元，佔成交９﹒３％及佔股份成交２０％；建行
（００９３９）、工行（０１３９８）錄得拋空金額為３﹒１７億元及２﹒８億元，各佔總拋空
額７﹒６％及６﹒６％，分別佔股份成交１５﹒２％及１２﹒２％。
中移動收報６９﹒５元，升１﹒４％；匯控造８１﹒６５元，升０﹒８％；建行收報４﹒２
元，升２﹒４％；工行收３﹒８２元，走高１﹒６％。（ｍｌ）
點解結算完大戶要沽空呢?他們不是好似上個月結算時玩挾上嗎?如果他們咁快就震返落來,咪即係放過淡
友一馬?還是俾淡友一個希望加注再搏落去呢?而今早追貨的人又多不多呢?不過以某消息指,今早已經有部
份淡友被震走或因為所持的熊太近而相繼轉去比較遠d的熊.其實殺唔殺d熊,已經可以做到挾走佢地的效果
,大家以為轉了另一隻熊好似冇輸到,咁大家不如想一個簡單的數學問題.假設你在13000入左熊,本身隻熊
的摃干係10倍,但因為就挾死啦,而轉去一隻5倍的熊.咁大市依然係向回落返13000,問題就出現啦,如果你
是手持先前的熊,必然是打和,但可惜的是,手上的熊已經沒之前那隻咁好摃干了雖然沒死到,但事實上本金
是回不了,如要回,一定要再向下搏,又或者搵返好摃干的熊.結果點?大家自己想想.
當然,呢個道理用在牛身上也可以.所以有d人成日以為一定要殺左批牛熊先可賺錢,其實人一個誤點.
再者,牛熊響大市所佔的比重又是多少呢?比起正股來說,只不是1-2成而已,大戶殺散戶,如果用在正股上,
可能仲賺得更多,呢一點也應該要注意.
還有,現在的勁假時段及期指比現貨天長時間收市,更加令人難以判斷,以前人們經常以高低水去判斷下天
或後市,如果真係咁簡單,世界冇窮人啦.
勁假時段又係一個偉大的發明,咩rsi咩支持阻力,依家股市圖表數據邊有秘密,圖表派理論多多,大戶就俾d
難度大家,令大家捉錯用神,由早到下午都唔做買賣,係要最後10min同半小時先出手,吹咩?自由市場,控制
不了.
問題1)散戶成日講,大戶會挾上挾死d淡友,咁大戶挾完之後又會點呢?淡友明知你挾又真係死都會堅守,仲
有,大家認為蟹貨的量多定係牛熊其他衍生工具多?挾上來俾你地走貨,條數又點計呢?
問題2)等什麼終極一跌,終極一跌的定義是什麼?世界末日應該會終極一跌?呢點有少少令人可笑.
話說回頭,咁到底大戶想點呀?小弟不才,實在難以估計.只可以憑假設及圖表去猜想一下而已.大戶挾上要
用錢,當然沽空也是.
不如先說我們祖國吧,事關我國自閉市場,冇太多衍生工具同外圍介入,市比較上比較盲目,不是buy就是
sell.今日唔駛講,憧憬完減息之後大家都二話不說散水而不是買貨,人們信心依然薄弱.
我們又如何?我想也是順勢吧,想想大家在下午見到個市咁行果時,又有冇人真係敢入市呢?
大戶的沽空也有機會為未來慢慢收集貨而為,月頭彈上去時或多或少都有人入左貨,眼見磨左咁耐都唔升返
,或許有批蟹民或月頭的新蟹已經忍唔住先走左.
那怎麼辦才是呢?先攪清楚自己是一個怎樣的投資或投機者先,如你是一個投資者,我相信已有一個良好的
計劃,而不會給人舞高弄低而影響到.
如你是一個投機姐,那只可盡力增進自己的技巧,技巧不高只有輸,因為你是同大戶對玩.
有一句說話幾好:"投資者在買入時已經知道賺多少,交易者在賣出時才知道賺多少."
大家認真想一想,停一停,再想一想.
此外,見今日有人講起d過市,咁就自己都講少少,其實玩過市(ons)或多或少等於買大細,但本人就盡量利用
d ma,支持阻力,特別係陰陽燭.
就講少少陰陽燭:用幾日做例子,本人認為圖上的叫做似樣的大陰陽燭,其他的可搏可唔搏,如果大家跟佢地
做指標來作ons買賣,中的次數又是多少?大家自己做少少功課吧.
相信近日都係會響d ma玩一陣先了,如外圍阿爺冇咩特別消息,隨時又可能悶市都唔奇,希望大家要用心思
考,而不是人云亦云,特別係我呢d二打六,三打七的19流投機者.
ps:世界上沒有完美的指標同技術,我們追求的只是提好命中率.世界上冇人可以百分百完勝,本人亦有輸有
贏,今周手風亦不太順.但盡量在睇準時贏多d,失準時就輸少d,已經係夠玩一世了.
如果您喜歡這篇文章，請按「讚」或分享給您的朋友，以示鼓勵。
附件
-
hsieg.jpg
(21.34 KB)
-
2008-11-27 20:50
