兔女趙碩之
87年出生21歲
踏入牛年，有生肖丁財兩旺，亦有生肖感情事業阻滯多多，好似生肖屬兔嘅趙碩之，財運同愛情運都排尾二，更一粒吉星都冇，連蘇師傅都話要急救吓呢位新性感女神！
蘇民峰同麥玲玲仲會解救埋兩位結拜犯太歲嘅𡃁界女神周秀娜（P.15）同埋賈曉晨（P.69）添，粉絲真係可以鬆一口氣喇！
趙碩之屬於四方形掌，蘇師傅話此掌形嘅人實事求是，而頭腦線下垂又鍾意幻想，兩者平衡係個有腦嘅好女仔。
蘇師傅指趙碩之牛年桃花只得兩個心心（5心滿分），所以感情事業都要加把勁先得！
你超級孤寒21歲嘅趙碩之08年憑《四葉草》彈出，其「36D 」驕人身材更經常成為焦點。來到牛年，屬兔嘅趙碩之雖然冇犯太歲，但既冇貴人星又冇桃花星，搞到趙碩之好擔心人氣會急跌。
蘇：蘇民峰 趙：趙碩之
蘇：你命格樂於助人，好勝心強，但超級孤寒命，可聚到財，亦好適合演藝工作。過咗鼠年桃花年後就要到26歲先有重桃花。
趙：事業會唔會差咗？
記者又插口問蘇師傅：趙碩之咁好身材有冇幫助？佢係咪要繼續騷身材？
蘇：身材好對做戲有幫助，可以騷到26歲先轉型囉。
趙：唔係騷到26歲
？我成日無啦啦諗會生乳癌然後切咗㗎。
蘇：唔怕！你26歲後會有突破，漸入佳境，由嗰年開始會一直行運行到86歲。
蘇師傅教趙碩之喺屋企正北位放鼠形擺設，另在西北位放一杯水加音樂盒，催旺09年桃花。
死亡感情線蘇：你左手感情線夠長，30歲前夠膽付出感情，容納對方缺點；但右手感情線短，叫「死亡感情線」，即係30歲後對感情唔敢抱有希望。
趙：咁我會唔會遲婚？
蘇：30至33歲啦，行旺夫運，即係老公自自然然行運。你有錢又唔使點做！不過你又有分夫運喎，即係老公有第二個女人。
趙：冇計喎，如果我偷食先，佢忍唔住搵第二個，我會反省嘅；如果佢衰先，我未必搶番，可能讓畀人，讓完又
心囉。
感情線去到食指與中指之間才算合格，趙碩之右手感情線只去到中指算短，屬「死亡感情線」，即30歲後對感情冇信心。
男友俾人姦見完蘇師傅後，趙碩之講起初戀男友，劈頭第一句竟然係：「衰人！」點解呢？「中五初戀，以前我係男仔頭，睇中佢想吸引佢，變得女性化嘅，又吹直晒嘅頭髮。我本來唔鍾意講電話，又為咗佢成日講。拍拖7個月就為咗一場小嗌交而分手，我再聯絡佢，但竟然只係收到單字嘅SMS 回覆，搞到我好憂鬱，食咗幾個禮拜煙。」
「隔咗好耐之後我哋再見番，佢竟然解釋話同我分手係因為俾個女仔強姦咗，負咗我喎！一個男仔俾女人強姦？我點會信？衰人！」唔怪得蘇師傅話趙碩之對愛情唔再抱有希望啦。
