HSI由破20000到11000點之間既波動都係我意料之內,期間只有壓力位與支持位不斷向下行,不過,近呢個禮拜既強烈反彈就係好多人都估唔到,包括我自己,不過我都係一句"唔出奇",我唔係馬後豹,呢次跌浪我都有獲利,只係唔算太多...
係呢個亂局裡面,我領悟到應該點玩先岩.其實,一早就應該係呢個策略...
牛市開始左一年幾既時候,應該買入穩陣而且有潛力既股票
去到一個大調整後既升勢(舊年8月既調整過後),應該密切留意市場
如果識睇成分股同2線股既話,其實唔難睇得出恒指見頂
如果唔識睇,亦可以於該升浪既暫時高位回落8~10%時沽貨,確保牛市已完成
沽出手頭上既貨後可以用賺左既錢既50~60%買6個月後到期既認沽證或認沽期權
到恆指回落左升浪既一半至三份二到平倉
至於熊2反彈既獲利唔會好高,算返上次都係5000點,遠比牛市5期既13000點同熊3既15000點少,所以可以唔買,或者少注入認購證
到熊2反彈左熊1跌浪既三份一至一半,就入隻仲有1年期限既認沽證/期權
總之,大型升浪就買升,大型跌浪就千其唔好買升,就係咁簡單,至於牛熊證...因為波動太勁最好唔好玩...
如果您喜歡這篇文章,請按「讚」或分享給您的朋友,以示鼓勵。