近日又震又挾,真係好易左一巴右一巴...
成日話分段入市,你點分呀?第一注到底在何處入好呢?手上有幾多注可以分?3,5,7,10,100注?
何時開始入?20000?18000?15000?13000?10000?
太高的話,入完有排坐,今年20000果時已經聽緊有人話分注入市,唔駛多講,佢地一定係有財力同耐性之人,14xxx果時不是說已是底,又分段入?如果呢次真的是底,恭喜了,分注入市計劃絕對成功了,但定得太低可能又未必到?我定5000,望到頸都長都可能未到,甚至唔到,咁之前點定分注呢?係咪因為入左市而坐左艇俾自己一個借口呢?呢個只有自己先知...估底又是不是這麼易?
91816283大奇蹟日方展搏上身咁都唔係底?又穿...14398果次,又穿,依家10676呢?不知道...因為要知是底,不是一兩天就可以確認到...所以呢個計劃絕對是一個耐性遊戲,冇真係唔好參加...本人都係唔夠本事贏呢d錢了,算吧...
咁不如確認底時再入都未遲啦,我是蠢人,不懂什麼估底,只識基本加減數...
舉例:你手上有5注,16000第1注每一千點一注即15000,14000,13000,12000,11000剛好入晒,如以今日收市比較,都叫有贏呢...
但風險是什麼,大家也估到...若某些人在20000時已進行此計劃又如何?在13000才開始此計劃又如何?大家可以計計...
如不估底了,cash在手,只好等了,如10676是底,下個月都唔穿的話,見底都應該似似地樣了,若下月個range都係響14000左右,大家先來入又真係會賺少好多?
又或是,我再望多半年,一年,個市可能已經行緊牛1了(如真的見底的話),再入市迎接牛2-3又真係會賺少左好多???
而家10月行完了,月圖終於出來了,以過去咁多年的統計,每個底都在rsi30之下,而下個月不穿底便成了底了(除了00年果次之外,大家可以自己搵圖看),以圖論圖,點都要行埋下個月先可以確認到的,當然今日唔知聽日事,什麼也可以發生,愚昧的我也是事後孔明,唯再等下個月數據了,你想偷步入,絕對可以...但風險自負...
而破位法到今時今日仲未看出什麼,唔穿底唔破位咪等囉,淡倉咪keep住先囉,唔怕一萬最怕萬一,反正破頂底大法最後一次係預左輸,也是預計之內...輸左呢次咪轉用破頂法囉...長有長食...
如果您喜歡這篇文章，請按「讚」或分享給您的朋友，以示鼓勵。
附件
-
hsi31102008m.jpg
(24.59 KB)
-
2008-10-31 23:05
