讀書既時候,我諗好多同學都有玩過碟仙,我亦唔例外,試過F.2果陣係學校同幾個同學一齊玩,我地係張紙上面除意寫左一堆單字,初期問極都唔見有反應,但係問問下就覺得隻碟係度慢無目的咁移動,雖然大家都好驚,但係又好奇,其中有個同學問左野,隻碟又會係其中一個字上面停落黎,我地大家係度你眼望我眼呆晒,唔知點算好,係呢個時候其中一個同學就講'我地問完啦,多謝碟仙,請碟仙返去啦',跟住隻碟真係停低唔郁,跟住大家就放開手議論紛紛。
我返去話俾婆婆知,俾佢鬧到趴係度,佢問我玩埋D咁既野,係咪想死,好彩個個都平安無事,婆婆話最驚請上黎果個唔係神仙,而係果D野,到時易請難送唔知點收科。
雖然我唔知點解隻碟會郁,係人為抑或真係有碟仙呢?到而家仲係一個迷,不過果次之後,我都唔敢再試,因為玩過果次我真係驚;你地有冇人試過呢?試過或未試過又或者想試既,都可以係度講下你地既感受。
