呢排輸到嘔電，所以今晚唔買
但心水如下，辛尼特總入球０球／細，士砵亭總入球１球，２球／細，另外就係基達菲主勝
加番少少個人分析喇
辛尼特已經羸梗４：１，仲要係拎住４個作客入球，好話唔好聽基本上都出緊線，除非利華咁有本事剩勝４球以上，但係利華實力又未到呢個地步，今仗仲要作客去俄羅斯，一個已經出緊線，一個只係循例打埋佢，所以呢場睇好細波波，再搏佢地唔入波
格拉斯哥流浪上仗主場都只能夠賽和士砵亭，仲要係冇入球，今次去到人地個場，完全唔睇好，但係士砵亭又唔見得實力好過流浪好多，所以呢場都係搏佢細波波，羸１球半球出線
最後呢場，我相信好多人都睇好拜仁慕尼黑會出線，但係我覺得佢會輸，上仗係主場羸梗１粒都俾基達菲追平，今次佢要走去人地個場踢，面對住呢隻歐協黑馬，佢想羸有ｄ難度，而且賠率亦都吸引，有３倍分頭，搏得過
