經歷此海嘯之後,發現香港有三害,
第一害就是現在的無能特首及其班子,剛發出的施政報告,居然向老弱落手,
提高生果金之餘要審查,結果被人吠兼掟蕉;最後又要取消審查,
失威之餘又要係晚間賣廣告,仲夠膽係廣告話:"政府會照顧貧困老弱"
查實庫房再多錢都無用,因為係困境時唔動用,同溪錢有何分別?
曾特首既威嚴更加無人能及,大庭廣眾罵學生,佢除左眼鏡加d鬍鬚,
十足十關二哥上身,不過佢讀開番書,有d似美國英雄核能人(核能人曾);
其管理班子就不用講,對銀行及金融產品全無監管;
高地價政策令致樓市升到嚴重泡沫亦唔理,最緊要係庫房d數字好睇
第二害則是地產商同代理佬,地產商將樓價抬高令供款佔供樓人士收入60%以上,
打擊其他消費行業,仲要呃呃騙騙,實用面積低得可憐;
做零售既更加進退維谷,市差時無生意,市好時捱貴租;
呢行完全無制度,大判,二判,三判,十足十疊馬仔;
d代理佬好景時聯同業主/地產商將d樓價抬到高一高,明知好貴兼唔實用,
仲要話宜家唔上車(坐艇)等幾時,博賺多d佣,d口技仲厲害過"廟街簫后"
最後一害係銀行佬當之無愧,本來已經係無本生利
但就應該做既唔做,落雨收遮,雪中送殯,
專售垃圾以増加自己利潤,殘民以自肥,唔好話sell累死兄弟d垃圾債券,
企業管治不足;就連一份普通基金d管理費同什費都多過人兼貴過人,
早幾年不斷減分行,一條村連一部櫃員機都無,完全不顧社會責任;
宜家人人都知銀行佬呃錢,d垃圾唔可以再賣,就立即靈活變通,
所有彈票等手續費全部上調;以上三害一日唔改變,香港好難有運行
