為賺夠億半迎娶女友Vincy 的陳冠希（Edison ），近年染指不同瓣數，開潮流舖做CEO 、孖住星爺設計tee ，還打入荷里活客串《蝙蝠俠》。27歲仔已脫離憤怒青年行列，認真可喜可賀。
不過這位「可造之材」，原來早前曾暗地里與鄭融合唱三級歌〈等什麼〉。例如其中一句歌詞「因為你個身材令到我細佬少少翹起」相當露骨。歷時3分半鐘的歌曲可謂「高潮迭起」。難怪Edison 只將歌曲靜雞雞放在他舖頭售賣，冇plug 冇宣傳。洩慾歌詞
Sexy girl ，每次見到你都要大叫起
因為你個身材令到我細佬少少翹起
你個身形有個1+兩個。
冇得頂，點樣可以咁正，我唔係好明
仲要響我面前跳繩
你響度引我逼到我有啲壓迫感
我忍呀，但係冇乜成功感
鄭：有什麼問題？
仲要你條腰搖嚟搖去 跟住隻歌
雖然我認識你時間唔多
但係我一提議你我play more
你會一開始講拍拖
幾時你送隻戒指俾我
邊個講過愛情需要解釋take then tick
鄭：告訴你我的身體等著你
到你一生都不會忘記
不管到底你會不會分心
到你放棄你一定後悔
有什麼問題
每次你響電話SMS 或者MSN 聯絡我
你嘅說話響度響度引我
即使你嘅人正正經經咁
睇唔出你其實係色魔
如果俾我嚟 我就嚟你屋企睇部戲
跟住除晒啲衫落地
好似覺得閒房好熱
但係 熱 我一個人陪住個手機
give it give it to me pretty girl
shake an ass
我想你做我𡁻一條女 帶你去大溪地游水
一齊去日本同Nicole 聚一聚
你啲朋友話我鹹濕 唔好信佢
你條G-string 好想除一除 唔好再玩 唔好再推
處處淫
一向話之你的Edison ，除了在舖頭大賣三級淫碟外，其實出道以來都有很多頗激行為。
粗口tee ︰07年Edison 同星爺crossover 推出快餐店職員概念tee ，背面印上食字粗口「三分鐘搞擰店」
摸下體︰Edison 今年中在台灣舉行國語碟慶功宴時，邊rap 邊用手摸下體。
唱淫歌︰Edison 有鋪唱淫歌癮，早在05年便與農夫、廚房仔推出一隻叫MIXTAPE Vol.1大碟，歌詞一樣露骨。
陳冠希（Edison ）近年銳意搞生意，但一向鍾情玩hip hop 音樂的Edison ，原來早前秘密推出一隻名叫《69FM 》的大碟。
碟中其中一首由Edison 與鄭融合唱，他與陳奐仁填詞的〈等什麼〉，意識大膽。歌詞關於男性對女性胴體的慾望，男方想將女方剝清光。例如：「sexy girl ……因為你個身材令到我細佬少少翹起……」，將時下男女互相誘惑場面形容得頗露骨。
而負責用國語唱副歌部分的鄭融，聽到Edison 字字鏗鏘rap 出句句性慾歌詞時，就以姣聲演繹，「告訴你我的身體等著你，到你一生都不會忘記」，似乎是叫Edison 要珍惜機會，唔好再等。
係人都買到
據知二人錄畢歌曲後，Edison 曾打算將歌派台宣傳，但電台認為歌詞太過大膽露骨，不能出街，故最後歌曲無聲無息地收錄於大碟《69FM 》內。而唱片封底亦印上三級標誌，只限18歲或以上人士購買。本來要擁有此碟，顧客需要在Edison 位於銅鑼灣潮流舖Juice 內買滿1,500元才可獲贈，但記者近日卻發現，任何人只需付$80便能聽到Edison 與鄭融的淫聲浪語。
上周四（8日），記者就此事問鄭融，她解釋今次是無條件合作，全因與Edison 屬多年好友。「歌詞好露骨？睇你用咩角度去睇，其實我覺得冇乜所謂，唔會尷尬。一個歌手嘅職責就係要演繹好首歌。嗰首歌係比較直接，用開玩笑嘅角度去講某一啲想法，我就覺得冇乜特別！」
至於Edison 則表示今次搵鄭融合作，就是看中她夠sexy ，他說：「因為鄭融真係好正，佢跳舞好，唱歌好囉！（但歌詞好激喎？）咁我個人激啲嘛！」三歲定八十，雖然Edison 現時已貴為CEO ，不過其壞孩子性格依然冇變。
CEO 唔俾唱淫歌㗎！（設計對白）
上周五（9日），Edison 出席時裝品牌HOGAN 於澳門威尼斯人酒店開幕時，提到與鄭融唱三級歌時，立即high 爆話：「鄭融好正！」
Juice
碟名69
Edison 於銅鑼灣百德新街開設的二千呎潮鋪Juice ，開業一年，售賣日潮男服為主，有貴有平。他亦將其自資出版的CD 放於玻璃櫃內售賣，包括三級淫碟《69FM 》。
忽然一周第642期
如果您喜歡這篇文章，請按「讚」或分享給您的朋友，以示鼓勵。
