前兩日，見到報紙有Guerlain廣告，於8月12日至15日在PP有roadshow，可以憑廣告免費獲贈修護乳霜試用裝及唇部彩妝諮詢服務，第二日得閒咪行過去試下ｄlipstick囉！我同個朋友行埋去問個ba，show張廣告俾佢睇，佢就叫左我地埋去坐，一坐低就分開左我和我的朋友，佢就叫左另一個男ba 幫我朋友試，佢自己就serve我．咁佢問係咪想試番唇膏，（因為廣告係咁寫），我答佢係啦！佢就攞ｄ化妝棉和卸妝液出黎叫我抹左自己ｄ唇膏，本來無諗過係要試上咀，但見佢都無乜點，唔好意思坐低左話唔試．一路抹，佢就一路問我野，開始露出本來面目．問我有無化妝，佢話我化得好淡，問我用邊隻brand，我答佢話我無用死一隻brand，不過而家試緊用萊記．
佢話：吓！你鍾意去屈記／萬記嗰ｄ地方買野架？
我答：有咩問題，有咩所謂．人人唔同，啱自己就得．
跟住佢就哄埋黎望我塊面，然後話：嘩！你好多眼紋喎！好乾添！
我打個突
，話：係呀？（心諗咁點吖！唔好咁多廢話，係咪試唇膏架？）
佢話：你用嗰隻brand唔得架，去埋ｄ屈記／萬記買野．（我心諗佢都黐線架！講到好似唔係人用咁．）
然後就攞左一本佢地product o既catalogue出黎，話介紹我用佢地隻眼霜，話好抵呀！原價千幾蚊，而家special offer 六百幾，我心諗有無搞錯呀！唔係試緊唇膏咩，無端端喺度咁sell其他野．咁我求其望左陣就話唔駛喇！等我考慮下先啦！
佢聽到我reject佢之後，就提高聲調話：咁都仲要考慮？你ｄ眼紋再唔理佢，遲ｄ無得救架喇！跟住又再用ｄ唔知咩眼光望我，擰擰頭咁話：哎呀！你唔止有眼紋，虎紋都好深．我地呢隻眼霜真係好好，而家咁平你都唔買！唔係下嘩！
我火都黎埋，
佢為左sell野，講到我差唔多要整容至得咁，但都忍住道氣話：真係唔駛喇！
佢見sell呢樣唔成功，就轉為sell番唇膏，佢話：咁買番支唇膏嘞，送眼霜sample給你．
但又話：好抵架喇！買唇膏二百幾咋！有眼霜sample送，平時邊度會有咁so．
我梗係又say no啦！要買都唔會幫佢買．
佢又再話：咁都唔買呀？咁抵！
我真係己經好氣結，邊有ba咁街市格，大庭廣眾喺度禁住搶．當時我已經想走喇！就堅決咁話唔會買，就直情坦白咁話可以俾番廣告講的sample未，佢好不願咁叫我過去另一張枱度填番名和電話，但起身行過去時，佢竟然大大聲話：唉！你咁多眼紋和虎紋都唔買野搽，遲ｄ唔知點算喇！
我勁想鬧佢．
隔離個男ba和我的朋友都望過黎．跟住佢就加快腳部行左去另一邊，我個朋友都起身一齊去填資料，我心諗，我忍你，
大庭廣眾我唔會同佢一般見識．
去到填資料時，佢又再問：真係唔買呀？指住我和朋友又重複話：你地兩個都有眼紋和虎紋，而家唔買黎搽，遲ｄ無得搞架喇！我無應佢．最後個衰人就俾左乾粉試用裝我地，唉！仲要唔係俾廣告寫的修護乳霜，不過我都費事再問佢，拿拿聲走人．
呢個老ba，想sell野就係咁踩人，大大聲講，誇張到死，唔理人感受，毫無操守，人格好有問題．勁想complain佢，
但當時唔記得睇佢個名，port唔port 到佢呢，send去邊度？
[
本帖最後由 great 於 2009-8-15 11:48 編輯 ]
