回覆3# christa_0902 的帖子
以我所知,政府係有免費街症幫人剥牙,當然你就要一早去排籌.假如佢個度幫唔到你剥,佢就會即刻幫你book政府醫院剥,仲會立即話你知邊間醫院最快.因為間間醫院排期有長有短.
呢個方法既好處係,如果佢剥到可以即日搞掂,就算唔得你都可以知道,邊間醫院最快有期,我朋友話可以choose醫院的.唔好處係,如果可以即刻剥,係會勁痛的.
1)九龍區有冇邊間醫院係OK的??
----如果你只係拎住封私家牙醫轉介信,咁你就要逐間醫院打去問.無話邊間OK唔OK,因為難聽d講,佢地係熟手
但我唔確定是否間間都有牙科的.
2)通常排幾耐先有得睇??
----好難講,間間醫院唔同,短則可能半年,長則可能超過9個月,除非你係urgent case就另計.
3)剝牙時會唔會好痛的??
----如果你係政府醫院剝,應該唔會好痛,反而打麻醉酒會痛,而且佢地好熟手,快到你唔信就已經剥左.
4)有冇D咩野係我要注意的??
----剥牙前食飽少少,剝完記得勁咬實舊棉花,唔好成日用水(long)口,個晚最好唔好食熱野,同埋帶口罩,因為如果佢俾勁大舊棉花俾你,塊面就會.....你明啦.
你係唔係一次要剝兩隻智慧牙,或者係連智慧牙前面個隻一齊剝?唔係點解個私家醫生有錢唔賺.
---以上為黃綠醫生朋友提供的資料
