上星期日在灣仔舉行的佈道會，成為江若琳與寰宇老闆前妻趙雪英一條冤家窄路。以為仇人見面分外眼紅，點知聽完潮爆牧師Jaeson Ma 講道，林太視福音如清涼茶解毒降火，聽完耶穌泯恩仇，重提江若琳不再咬牙切齒，反而說已放下過往不快。呢個答案，脫苦海
江若琳係咪應該哈利路也！
上星期日，引導陳冠希信主、馬時亨侄仔Jaeson Ma （馬正遠）來港在灣仔舉辦一個專為演藝界而設的佈道會，在樂易玲、張堅庭等吹雞下，不少藝人如鄭秀文、鄭裕玲、謝婷婷等前來捧場。曾為離婚鬧至滿城風雨的前林太趙雪英，亦在鄭明明帶領下到場聽福音洗滌心靈，怎知在佈道會中跟江若琳狹路相逢。當時雖二人同場，但林太由張堅庭太太楊諾思傍實坐在右邊，而江若琳則找來鍾舒漫及樂壇新女鄧紫棋陪伴坐另一邊，冤家路窄，雙方惟有各據一方。
二人聽道灑淚知道江若琳在場緣故，林太剛開始唱詩歌時，顯得心不在焉經常擰轉頭四圍望，直至牧師講道她才回復專心。當聽到Jaeson Ma 說母親當年被父親離棄，一個女人如何獨力撫養幾個孩子成人時，一直平靜的林太霎時感觸落淚，而江若琳亦感動得眼泛淚光。佈道會完畢，這對「仇家」雖將對方視而不見，不過以往一提江若琳便咬牙切齒的林太，事後接受本刊訪問，表示此刻心情平靜：
記：如果當日見到江若琳，會唔會同佢打招呼？
林：唔想講呢啲嘢。
記：聽完福音，你願意寬恕對方？
林：唔……我只能講聽咗福音令我個心呢刻平靜好多，未來我嘅感覺係點我唔知，可唔可以寬恕我唔知。
記：你仲嬲唔嬲江若琳？
林：唔想再講呢啲嘢，之前嘅事我已經讓佢成為過去，我已經放低咗，只想向前看，體會到患難中有平靜安穩嘅心先係最好嘅禮物，所以依家每星期都返教會聽道。
由鍾舒漫陪喺離開佈道會的江若琳，雖說不知林太在場，但語言間對曾攻擊她的林太不計前嫌。江若琳：「若果我見到林太，我會同佢打招呼，因為佢始終係我老闆、係我要尊重嘅人。」對於林太說已放下過往的事，江若琳亦說：「之前嘅嘢我都無再記喺心。」似乎大家聽完福音之後，明白何謂饒恕敵人。
場內獨家照片林太四圍望
佈道會三時舉行，林太跟鄭明明提早十五分鐘到場，並先跟牧師Jaeson Ma 傾了一陣偈。之後她在楊諾思（左面黃衫者）陪同下入座。跟江若琳狹路相逢的林太，唱詩歌時經常四圍望，莫非尋找對方芳蹤。
江若琳專注唱詩
反之遲咗廿分鐘進場，戴帽及架喺粉紅色眼鏡的江若琳，明知林太在場亦無損心情，極速投入，跟鍾舒漫及樂壇新人鄧紫棋笑住口拍手唱詩歌。
孫耀威（右面）與森美均為當日佈道會講見證，二人上台前先互相交流。看森美坐姿，就知他心情比首次講見證的孫耀威輕鬆得多。
自年初娛圈發生慾照事件後，張堅庭夫婦更加積極向藝人傳福音，今次佈道會他是策劃之一，故當日他在場內忙於打點，帶領唱詩。
群星拱照佈道會婷婷即場決志
母親拉姑篤信四面佛，但謝婷婷選擇信耶穌。佈道會稀客的她，當日與落選港男一同到場。牧師講完道，婷婷受感動下行出來決志。據知兄嫂張柏芝原想一同前來，但怕有傳媒在場才打消念頭。若果唔係，柏芝會唔會跟婷婷一樣棄四面佛轉投耶穌？
雯女唔抵得Steven
緋聞女友鍾舒漫俾江若琳拉咗去陪坐，Steven 惟有跟梁俊一孖住進場。事後Steven 話：「之前同高皓正聽過Jaeson Ma 講道都聽到喊，今次反而無喊，仲好開心收到關於佢講道嘅VCD ，搞到鄧萃雯不知幾羨慕，要馬牧師送埋俾佢。」
失戀Do Do 聽道解愁
剛失戀同經歷金融海嘯致身家大縮水的Do 姐，搵老友查小欣陪伴聽道紓緩一下低落情緒。而一臉素顏的她露出笑容，比平日感覺親切得多。
何傲兒諸多避忌
何傲兒一見記者拍照，即跟身邊男伴彈開。女的諸多避忌擰歪面，一副驚青模樣；而男伴亦好似嚇呆咗咁，唔識護花。
孫耀威搞喊欣欣
江欣燕趁唔使拍《畢打自己人》，同埋老公捧老友孫耀威場，聽佢講見證，仲話聽到對方改變，感動到想喊。
Sammi 豹紋扮闊太
Sammi 在教友及昔日新聞之花葉雅媛（右）陪同下出席，唔知係咪近得班闊太多，Sammi 當日的豹紋頸巾與襯到絕的豹紋手袋，都好有阿太風範。
講見證前跳缸受浸第一次上台講見證嘅孫耀威非常緊張，並在數日前已找牧師Jaeson Ma 到其家中作客傾偈及查經。原來成為基督徒近20年的他自覺未做到最好，故一直拒絕受浸，直至牧師為他解開心中一切疑問，令孫耀威接受浸禮。於是就在當晚由Jaeson 主持儀式下，他即時跳進家中的浴缸受浸。
而他在見證中說：「幾年前事業下滑，適逢女友又背叛我同另一個男仔一齊，當時
內地工作
我，情緒好低落，想到自己離棄神多年，於是跪
酒店窗台祈禱廿分鐘，之後感覺如釋重負，跟住打俾女友同佢講前事不計，重新開始。」
馬正遠
陳冠希
潮爆牧師Hip Hop 唱聖詩現年28歲的Jaeson Ma （馬正遠），外號「潮爆牧師」，是前商務及經濟發展局局長馬時亨侄仔，以引導陳冠希信主而廣為人認識。今年初Edison 爆出慾照事件後避走美國，他在美國時經馬時亨太太介紹認識Jaeson ，聽他講道及祈禱後，令Edison 如釋重負。之後Edison 每日都睇聖經及祈禱，Jaeson 則從旁輔助，Edison 兩位家姐見弟弟的改變亦隨之信主。
Jaeson 亦是反叛過來人，曾經入過黑社會，吸毒、偷竊、逃學，他17歲時因偷竊罪被拘留期間，受母親感染而信主。能夠稱為「潮爆牧師」，他當然有潮的傳道招數，就是以Hip Hop 唱聖詩及試過在Facebook搞佈道會。
這次佈道會主題是「演藝人對社會應付責任」，希望藝人以身作則，對年輕一代發揮影響力。
