揚言從未有人工高過自己的男士追求的「三萬港女」黎潔瑩，早前有雜誌指「黎三萬」冇得撈，慘變「黎失業」，但係本刊記者明查暗訪下，證實有補習社見機不可失，力捧黎成為補習天后，據聞連佣金最高月入接近九萬元，似乎黎潔瑩有望洗脫黎三萬污名，搖身一變做九萬天后。
於《星期日檔案》出街後「聲名大噪」黎潔瑩，因其受訪的言論及態度，令唔少港男感到不是味兒，結果遭網上「港男」狂插，繼而人間蒸發，消失於原先工作的灣仔蚊型補習社。有雜誌報導，黎三萬喺節目出街後冇得撈。
不過，本報記者接報，原來活學教育砼Amanda Tann 已向黎三萬挖角，而且人工、條件已經傾好，連海報都已印好，據講，黎潔瑩會同補習社拆賬分佣，最多可賺九萬蚊一個月，又指黎三萬已經成名，所以先向佢招手。分別有三名知情人士同本刊記者講起呢件事。其中一名直言，其實早喺節目出街前，有關人士已暗中穿針引線，介紹黎三萬予《星期日檔案》監製，令其曝光。
消息人士同本刊記者講：「今次Caz（黎潔瑩洋名）紅得咁快，出哂佢哋（補習社管理層）意料之外……某高層仲嫌佢形象負面得滯，想飛起佢……不過，你知啦，補習天后最緊要有名氣，今次Caz 咁紅，你知啦……」消息人士仲同本刊記者講：「計劃plan 咗好耐……驚外洩會影響公司形象……」消息人士越講越神秘，似乎從黎潔瑩上>>><<< 已經早有計謀。
本刊記者曾嘗試聯絡活學教育，但係未能聯絡到負責人。
如果您喜歡這篇文章，請按「讚」或分享給您的朋友，以示鼓勵。
