引用:
原帖由君嵐於2008-10-2014:44發表
set左價咪等於止賺蝕囉...任你set
set 價同止蝕係有好大分別既,作用都唔同.
限價盤->市價去到果個位就出,唔對位就唔出. 可以set 高/低於現價.
止蝕盤->市價等於或低於果個位就出貨,有d 可以set 下限,太低唔出. 只可以set 低於現價(set 高於現價等於現價出貨).
平時上落唔大, 一格格咁行,低於市價既沽盤,可以睇成係止蝕盤一樣....不過,呢樣只係錯覺.
當急上急落時,就有分別了(唔係講緊好多手出唔到價,係一手都有分別的).
當市場波動大時,好可能我 set 既位無人接,要低幾個位至有.
如果set 限價盤,由於無去過我 set 既位,應該唔會行既,變左無沽貨.
但係,如果set 止蝕盤,就會一跌過我個位,就同我出價,低左都照出,目標係止蝕走人.
有樣野又唔可以攪錯,就係低於市價既買盤,同賣盤唔同,就算點插法,只要去到你個價以下時,都一定會幫你行到既.
或者,我想confirm 一下,i 仔既限價盤,如果set 左低於市價既沽盤.
當市價急跌到我set 既價,而無心接貨令我出唔到,個價再向下插,佢會唔會自動同我排queue 出貨?
