[問題討論] 神仙過鐵橋vs春江鴨

c 兄不用跟高人比吧,高人既投資技術,無人跟得到既. 而且,佢既真理,日日在升,跟本唔需要乜野分析,點會明白市場日日在變?

正如高人講"看漲不一定要馬上入市.都需要看咩位入市.看喙也不一定需要即時出市.需要看價出市.",簡而言之,只要高沽低揸,就一定有錢賺....你可以話佢錯嗎?
就算高人日日話升,都只會在真係升果日至出手,至於邊日?.....咁咪就係將會升果日囉. 所以,就算佢叫完升跌左,佢都唔會輸既,因為只係話升但唔會入市. 只要你知道邊日會升,邊日會跌. 將會升就跟高人指示入市,將會跌果日就唔跟,咁就一定會賺大錢了.

其實高人可能本來都想講清楚邊日會升既,但係天機不可洩漏,呢個道理希望大家明白. 前兩日高人就係因為洩露天機,在大市升左幾百點後,忍唔住出黎講明果日會大升一成至成二,由於有左確實日期,本來唔聲唔聲就升得好地地既市,一講完就插落去. 之後無左出聲,個市就真係升喇(今次仲唔係"歸功"高人?)......所以,高人至會日日叫升,事後至同大家講明邊日會升. 大家要諒解一下高人既苦心至得架.

如果你唔知邊日升,邊日會跌,就只可以靠自己努力去分析下喇.

本身都仲係看淡,但係呢幾日感恩節唔敢看淡住,加上今日唔得閒,自已休市.
本來年尾預左仲會有好多公司公佈壞消息(摺埋/裁員),但係由於阿爺同各國開始出手,市場又有所憧憬,好壞參半.
個人睇法,阿爺同各國突然咁重鎚,可見佢地都預料到/或者甚至已經收到唔少機構既壞消息,想先發制人,用好消息壓住壞消息.
不過,我都仲係覺得遠水難救近火,雖然話市場反應係比實際早幾個月,但幾個月後都唔似會咁快復甦,暫時我都仲係睇淡.
不過,我呢排好少過夜,玩緊即市,睇好睇淡只係影響我過市既諗法.
由於太多突發事件,暫時都係嘗試緊跟圖出手,先用最簡單既玩法,唔理大方向,只睇即市.
如果有信心既,都會試下過市既,呢個月只係玩左一次ONS.