林淑敏、安德尊同劉彩玉等噚日喺馬鞍山出席宣傳活動，之前憑處境劇人氣急升嘅林淑敏，話因為角色關係，唔少觀眾都以為佢鍾意鬧人：「試過有市民喺街叫我畀封warning letter佢。」
問到有冇試過出警告信畀老公？林淑敏話：「唔敢，老公畀家用。」佢仲讚老公好好，會抽時間陪佢對戲，證明自己冇嫁錯人。出席完活動後，佢就揸車去何文田開工拍劇。
撰文：馮仁昭
老公陪對戲林淑敏：冇嫁錯人！
藝人林淑敏、姚嘉妮、彭慧中與安德尊等昨日到馬鞍山出席節目《都市閒情》宣傳活動，林淑敏因劇集《愛．回家之開心速遞》中「大小姐」一角人氣急升，她笑說：「啲街坊會問我拎警告信！（畀過老公？）唔敢呀，佢負責畀家用。有時拍得多個腦轉唔切，佢就會陪我對戲，我真係冇嫁錯人！（情人節陪老公？）要開劇，仲等緊許家傑返香港。（老公呷醋？）唔會，許家傑女朋友都未呷醋啦！」
姚嘉妮（左）與林淑敏提早感受新年氣氛。
而姚嘉妮指收到學校停課的消息後，即時將「好消息」告訴囡囡，又透露曾被囡囡傳染乙型流感：「高燒到39度幾，我睇醫生先知係乙型流感，當時隔離咗自己十日。」
宋芝齡（左起）、張景淳及林淑敏在台上玩遊戲。
