黎諾懿五億老婆李潔瑩為接吻戲起拗撬

Nicole指老公養得起她有餘，她亦不會理負面評論。
【《蘋果》專訪】黎諾懿14年娶拍拖三年、五億美容王國太子女李潔瑩（Nicole），隨即被指女尊男卑，冠以「五億駙馬」稱號。原以為Nicole會為報道感到不快，但外表柔弱的她，性格相當硬淨，還帶幾分儍氣，她說：「佢養得我起有餘啦！」

Nicole爆黎諾懿想追女，但她想順其自然，因湊B花很多時間。資料圖片

黎諾懿與李佳芯在新劇中合作，但老婆下令拍親熱戲前要先備案。資料圖片

曾在07年參選港姐的Nicole，稱當年穿泳衣示人驚到震。資料圖片

隱瞞非講大話
Nicole日前在旺角接受《蘋果》訪問，首次接受專訪的她，豁達回應負面報道：「真係冇理，佢初初可能有啲唔開心，而我就覺得冇乜嘢，佢好勤力付出，同埋我同家人知係點就OK，佢養得我起有餘！」Nicole又讚老公將家人放首位，不過就踢爆老公不浪漫，她說：「諗佢做過嘅sweet真係好難，唯一係佢鍾意煮飯，但佢因為好忙，所以都好耐冇煮喇！」問到可介意老公拍親熱戲？Nicole說：「其實唔係太介意，但佢拍之前一定要同我講咗先，佢初初同我拗，話隱瞞唔係講大話，但最後都屈服咗。」

初見印象麻麻
Nicole曾於07年參選港姐，她說：「當年參選係媽咪同auntie幫我報名，我嗰時喺澳洲讀書，媽咪打電話畀我，話同我報咗名參加港姐，我都嚇咗一跳。」至於與諾懿相識經過，Nicole表示媒人是周美欣：「佢同諾懿拍《讀心神探》，成日話呢個人好funny要介紹我識，有次喺周美欣屋企見到佢，但嗰次印象麻麻。」
當初，Nicole跟諾懿拍拖，連父母都不知情，她說：「諗住了解吓先，點知好快俾人影咗。」為平息父母擔心，已好快安排見家長，而兩老見到諾懿都好鍾意。另外，談到諾懿婚後事業運大增，近幾年角色都非常入屋，Nicole即笑言：「腳頭都幾好㗎！」
採訪：鄉奈仁
攝影：林德雄
場地提供：壹壹漁

現年三十七歲的黎諾懿，於一四年與〇七年落選港姐、父母坐擁逾五億資產的李潔瑩結婚；去年四月，李潔瑩更為黎諾懿誕下囝囝黎峰睿（小春雞）。榮升人父的他，經常在社交網大晒愛兒的溫馨短片和合照，一家三口幸福滿瀉；而他亦成功建立「愛妻暖爸」的形象，十分煞食！

雖然，黎諾懿婚後忽變緋聞絕緣體，但卻被本刊發現，身為「人夫」的他，竟然對高端異性「零避忌」。早前，他秘密夜會湯鎮業的姪女、三十歲港姐出身的湯洛雯（靚湯），兩人相約撐枱腳開餐，且傾密偈傾足兩小時。

看來，黎諾懿為了這碗「靚湯」，竟無懼老婆呷醋，兼打爛「齋缽」，創出婚後緋聞「零的突破」！

「人夫」黎諾懿秘密約會「靚湯」湯洛雯，兩人撐枱腳開餐，並傾密偈傾足兩個多小時，女方還被男方

黎諾懿全程笑意盈盈，他又將身軀傾前向湯洛雯，大家愈傾愈親密。兩人於平民「茶記」各自叫了一碗麵醫肚，三扒兩撥已食完，但卻留下繼續暢談心事，還傾到不願走。

撐枱腳食麵日前晚上約八時，湯洛雯駕駛其座駕現身於將軍澳一屋苑之外，她將車停泊於馬路邊，並未即時落車，又以電話聯繫約會的對象。等候約十分鐘後，黎諾懿亦駕車而至；跟着，他們前後腳進入附近的一間平民「茶記」開餐。兩人挑選了一個較僻靜在角落的卡位，面對面而坐，明顯為方便一邊食、一邊傾偈。現場所見，他們撐住枱腳食麵，似有滔滔不絕的話題，好傾到雞啄唔斷，直至各自的麵都已食完，兩人仍未捨得離開，似有心事密斟。

席間，黎諾懿表現得心情風騷、笑意盈盈，且春風滿面；而湯洛雯則一時輕托香腮，一時撥弄秀髮，意態撩人；加上，兩人都不自覺地將身軀趨前，輕聲細語地互傾密偈，旁人眼裏看來，儼如一對情侶正在眉來眼去調情。最終，一餐「麵」食足兩個多小時，由男方負責結賬埋單。而兩人肩並肩步出茶餐廳時，湯洛雯就嘴角含春兼面露甜笑，似在回味着剛才「蜜談」的愉快對話；然後，他們各自駕駛泊於門外的座駕離開。

黎諾懿與湯洛雯於劇集《燦爛的外母》中，飾演小夫妻，當中不乏親密的咀嘴戲。

與李潔瑩結婚三年的黎諾懿，去年四月榮升人父，兒子「小春雞」已經九個月大，一家三口幸福滿瀉。

黎諾懿上年4月升級做爸爸，兒子黎峰睿(小春雞)出生後一家三口十分幸褔，雖然忙於工作賺奶粉錢，但他仍然不忘照顧小春雞，昨晚他就在Instagram上發佈自己哄小春雞瞓覺的片段。



黎諾懿發佈片段並留言：「黎峰睿見到爸爸放工唔肯瞓，大件事。」片中小春雞不斷大笑，本來想哄他睡覺的黎諾懿只說了一句：「黎峰睿瞓覺啦！」但卻讓小春雞越笑越開心，整條影片都是他的哈哈大笑聲，相當冶癒。不少網民都留言指小春雞很可愛。

黎諾懿