籌備咗成年，張敬軒有份投資嘅「仙后餐廳」，前晚（17/1）終於正式開張！咁高興嘅事，唱片公司都吹晒雞齊齊撐場，除咗經理人霍汶希、仲有惠英紅、任達華、泳兒、吳浩康、洪卓立、湯怡、許靖韻同曾樂彤，就連老闆楊受成同太太陸小曼、兒子楊政龍都到場支持。
當日佢哋dress code係復古，結果泳兒嘅悉心妝扮，得向來講究的軒仔大讚，屬全場之冠。
老闆楊受成好有心，拉大隊賀軒仔餐廳開張同時，原來仲俾個驚喜生日派對。
充滿懷舊色彩的餐廳，其中吸睛位是餐廳正中央，軒仔花盡心思，以幾千件工藝玻璃拼接的彩色穹頂。仙后女神高舉象徵豐收的金黃稻穗，手捧喻意心靈之美的火玫瑰。
每個角落，都看出軒仔的心血設計。
流走的歲月，在這裡可以尋回點點回憶嗎？
曾住馬己仙峽詭道，屬保育建築大屋的軒仔，內裡裝修及收藏全是復古味。
與前度Kenny在舊屋時，黃秋生及甄詠蓓曾到其家中作客。
現居的山頂道豪宅，跟餐廳同樣style。
餐廳裝修風格大玩六十年代風，為咗配合餐廳主題，各賓客都以vintage、classy為dress code，當中最配合主題就係泳兒，就連軒仔都大讚：「Vincy係全場嘅best dresser！」餐廳大至整體裝修、小至卡座布簾，都由軒仔策劃主理。另外，餐廳同時係live house，駐場歌手會獻唱多首香港時代曲，為咗能夠搵出一把最靚嘅聲唱出「香港味」，駐場歌手都係由軒仔親自挑選。除此之外，總廚亦係專程由法國請嚟，而且佢仲舉家搬嚟香港定居，認真巴閉。將音樂、藝術、食物融為一體，軒仔今次真係嘔心瀝血。飲飽食醉後，蛋糕突然「出場」，原來一班藝人歌手提早為2月1日生日的軒仔慶祝生日，餐廳開張加surprise birthday party，恭喜晒呀張老闆！
