「福祿壽」三子王祖藍、阮兆祥、李思捷等前晚錄影節目《人生有幾多個福祿壽》，獲鮑起靜、肥媽、蘇永康、鍾景輝（King Sir）及盧覓雪等擔任嘉賓。三人受訪時，祖藍以King Sir的腔調說話，並笑說：「同佢一齊好似照鏡咁。」他更透露上King Sir的課堂時一定會扮對方：「唔扮佢係畢唔到業。」又自爆曾與白只、張繼聰等於King Sir面前扮對方，King Sir神回一句：「乜我係咁講嘢(0架)咩？」阮兆祥則笑指自己扮得最似是鮑起靜、肥媽及盧覓雪，而李思捷與蘇永康於節目中合唱。
王祖藍自言扮鍾景輝時有如照鏡一樣！鮑起靜獻唱驚出醜
另一嘉賓鮑起靜表示今次是獲阮兆祥親自邀請演出：「我梗係話好，我不嬲好鍾意睇佢哋做節目。嗰次佢扮我都笑到碌地，真係好似！（唔驚畀佢醜化？）唔會，佢後生又靚。」她於節目中與對方合唱，又表示自小唱歌上唇會抽筋：「我好驚喺台上會出醜，但同人一齊就唔驚。」提到周日舉行台慶頒獎典禮，她坦言睇好宣萱，覺得對方好值得攞獎。至於男主角則希望陳展鵬奪得，但他上屆已攞獎，因此機會只有一半。
李思捷助狄龍圓夢
此外，首次執導電影的李思捷笑言因在電視台訓練多年，故難度不算大。提到今次請來狄龍演出，思捷表示首先要過「龍嫂」陶敏明一關，狄龍指最開心能與元秋合作：「七小福我都合作過，就係差佢，今次真係好夢成真。」而思捷更笑指找元秋演出時，被她以包租婆招牌嘴形問：「有冇戲做先？」
鍾景輝
阮兆祥頒獎畀鮑起靜時，祖藍竟膽敢在旁撩鼻。
李思捷扮蔡楓華真係冇得輸！
李思捷促成了狄龍與元秋合作，令狄龍好夢成真。
阮兆祥大晒「事業線」扮盧覓雪。
文：影視組
