作曲、作詞、執導MV都試過，下次Mag可以試試三樣一齊做！
林欣彤（Mag）去年年尾重新演繹組合Dear Jane的《哪裏只得我共你？》，其處女執導MV更在獲得高點擊率，為2017年劃上完美句號。為了承接優勢，Mag在今年情人節推出新歌《忍》，並請來認識逾七載的好姊妹兼戰友陳慧敏友情演出MV。
林欣彤邀請好友陳慧敏出演新歌MV。
MV劇情講述飾演第三者的Mag，正在失戀的好友陳慧敏時，卻撞正男友向其正印求婚，Mag最終都按捺不住秒速離開餐廳，在街上狂奔。
Mag在MV中飾演第三者。
習慣早睡早起的陳慧敏在拍攝期間呵欠連篇，但只要導演一嗌Roll機，即影后上身話喊就喊。
害怕會喊不出的Mag亦成功喊得出。
拍攝狂奔戲份當天氣溫只有十度，但為配合劇情，Mag仍穿著單薄衣服在街上不停跑，更要一邊跑一邊放聲大哭兼跌坐地上。雖然鏡頭後凍到腳震，但Mag全程毫無怨言，即使只是拍攝手部動作，仍堅持親身上陣。
Mag要在只有十度的底溫下，穿著單薄衣在街上狂奔。
還要一邊跑一邊放聲大哭兼跌坐地上。
事後，Mag笑言整個拍攝過程最辛苦不是捱眼瞓及捱凍，而是爆喊，「我份人平時都唔係咁易喊，我好驚拍嗰陣因為喊唔出阻大家收工，所以拍之前都幾大壓力。我早一、兩日開始已經儲定啲唔開心嘢，希望逼到自己喊。」Mag又表示十分感激好友陳慧敏傾力演出。
一拍完，Mag就要即刻穿上外套保暖。
Mag感謝陳慧敏特意由澳門坐船回香港幫她拍MV。
是次MV內容和方向，亦是由Mag一手一腳策劃，問到為何有此構思，Mag表示：「其實點解會有呢隻歌《忍》呢？係因為我有個朋友覺得我份人乜都好鍾意忍，大家傾傾吓就覺得可以試做呢隻歌。同埋我覺得情人節係一個好特別嘅節日，雖然有好多情侶會開心慶祝，但其實好多單身、或者感情生活唔係咁如意嘅人，係好想skip咗呢個節日，所以好想送呢隻歌畀佢哋，話畀佢哋知，you are not alone嘅。」
新歌MV內容和方向由Mag一手一腳策劃。
