貧乳變C cup，素顏楊愛瑾拖老公出巡

前Cookies成員楊愛瑾（Miki）去年4月下嫁永安太子爺郭永淳後，今年3月誕下大眼可愛B仔Luken。日前下午，零妝Miki拖老公現身銅鑼灣買BB物品，可見她榮升人母後有驚喜，上圍由當日未生前的貧乳變C奶。

日前下午，上圍升了cup的素顏Miki拖夫出動去銅鑼灣買BB游水用品。愈來愈有夫妻相的二人先去利園2期mothercare逛一回，記好價錢和款式後就十指緊扣到SOGO格價。廿分鐘後，兩人無收穫又沿路折返利園2期，今次他們入了一間澳洲品牌童裝店Seed Heritage，最後揀了一套恐龍帽仔的藍色泳裝，折扣後約二百元。

其後，郭氏夫婦再入mothercare，有準備的二人隨即選了可循環再用的BB游水尿片，及一個初生嬰兒套頸水泡。付款時，郭永淳忙於回覆訊息，Miki自己碌卡付款，誰知老公見狀即快手搶回主權找數，果然好錫老婆。最後，踢拖郭永淳背着環保袋，拖實老婆仔取車走人。

餵人奶的Miki上圍谷奶升cup，目測至少有C cup。

兩夫婦有默契分頭揀嘢，老婆揀游水尿片；老公則蹲下睇水泡仔。

郭永淳搶番主權找數，再袋好戰利品，愛妻則輕鬆繼續睇嘢。

郭永淳戴帽、踢拖同太太Miki十指緊扣幫B仔掃貨。

B仔Luken今年3月出生。