從小被養父母湊大的李蕙敏（Amanda），4年前嫁給英籍老公Serge Micallef，做了人妻的她很想育有自己的兒女，現年46歲的Amanda已屆高齡產婦界線，兩夫婦試過接受IVF（試管嬰兒）醫學幫助，今年復出的她甚至為造人計劃延遲新歌推出，可惜越努力卻越失望，Amanda豁達面對懷孕失敗的打擊，重拾心情為新歌拍MV。
出道29年的李蕙敏憑絕世慘情歌《活得比你好》、《你沒有好結果》唱紅，曾被封為慘情歌後的她，現實中的身世亦很坎坷，20歲才知父母跟她沒血緣關係，被收養的Amanda曾跟養母關係不好，4年前Amanda嫁給英籍老公Serge Micallef，一直渴望家庭溫暖的她，很想育有自己的親生兒女，可惜婚後經過兩年努力，甚至尋求醫學幫助都未能如願。日前Amanda接受本報電話訪問慨嘆：「我哋都有睇醫生，試過一、兩次IVF，但唔成功！」
回歸樂壇的李蕙敏狀態大勇，近日穿比堅尼拍新歌MV。
李蕙敏邀健身教練Luke做MV男主角，她當然有向老公備案。
李蕙敏以低沉嗓唱《活得比你好》爆紅，被封慘情歌後。資料圖片
李蕙敏與英籍老公Serge結婚四年，二人都希望有自己的兒女。資料圖片
刻意增肥
Amanda今年再戰樂壇，坦言之前為了造人計劃，刻意增肥10磅，甚至延遲新歌《再度》的宣傳：「因為都過咗一段時間，連呢首歌都係為咗呢件事延遲plug，𠵱家已經年中，冇辦法再等。」問到造人失敗是否很失望？她坦言：「當然希望有梗係好啲，但自己今年幾隨心，因為越緊張越難有。」
由於Amanda已經46歲，明白自然受孕的機會較低，所以近兩年來，夫婦四出尋求生仔秘方，更向醫學方法求助：「我哋結婚4年，都係呢兩年開始造人，因為大家都忙，佢又要出trip，我哋都係上兩個月加緊（造人），自己仲將工作延後，我哋都有睇醫生，試過一、兩次IVF，但唔成功，我哋都好平常心，盡力而為，冇得心急冇得介意。」問到出碟是否要暫停造人計劃？她表示：「都唔係嘅，順其自然。」
收拾心情的Amanda開始專注工作，為新歌《再度》破戒著火紅比堅尼拍MV，46歲的她風情萬種身形甚弗，她笑說：「出海著比堅尼好合理，但其實都有壓力，自己第一次著比堅尼拍嘢，喺一個禮拜內都有捱過嚇餓，主要食雞肉同菜，唔食肉我會死，儘量6點後唔食嘢。」老公知道著比堅尼拍MV？Amanda表示：「佢知道我試衫，冇話批准，佢好文明仲興奮過我。」
猛男陪曬
Amanda更邀專拍同志電影的導演雲翔跟她聯合填詞，還請外籍猛男健身教練Luke做男主角，兩人坐遊艇出海依偎曬太陽嘆香檳，Amanda說：「呢首歌講情人知己，感覺有少少曖昧。」問到為何找雲翔一齊填詞？她說：「佢係導演，之前搵我客串過電影，佢知我出新歌有興趣寫，佢未試過填詞㗎。」
採訪：皓騫
from:
http://hk.apple.nextmedia.com/entertainment/art/20170614/20054742
