楊秀惠強攻美容市場親自睇裝修開分店再做老闆

1^# 大中小 young 發表於 2016-11-5 18:41 發短消息

相關主題: 楊秀惠

近日在無線劇《來自喵喵星的妳》中色誘陳豪的楊秀惠，雖然今年才32歲，但已懂得為未來生活打算，明白演藝工作未必能長久，所以邊做幕前邊做生意。繼前年與家人投資過百萬代理美容品牌生意、於銅鑼灣開設樓上舖後，月前她又於大坑開設沙冰店，並且不時到舖頭做生招牌打躉。

【指導員工】

楊秀惠向店舖員工講解工作流程。

【細心驗貨】

楊秀惠緊張裝修，擒高踎低視察進度。

除了美容店，楊秀惠亦有投資沙冰店。資料圖片
女強人模樣

據悉楊秀惠有見美容店和沙冰店開始上軌道，於是打算再進軍商場，在荃灣千色匯商場開設美容店。日前記者發現楊秀惠巡視裝修，當時她於一間圍上木板的店舖內跟裝修工人研究裝修進度，又跟舖頭的sales講解工作流程，其間她不時指手劃腳、擒高踎低，事事親力親為，一副女強人模樣。

再投資百萬

記者問楊秀惠是否再開舖時，她大方承認說：「其實前幾年自己喺星馬嘅美容生意做得幾好，所以想試嚇香港市場，喺荃灣開舖，因為銅鑼灣啲熟客嚟開買嘢嗰陣，問我幾時會喺荃灣開，咁啱睇中呢個舖位，咪試嚇囉！」

問楊秀惠瓣數多多，同時開美容店和沙冰店做老闆娘會否難以兼顧時，她笑說：「其實沙冰舖係同朋友夾份，當學嚇嘢，美容先係我主打生意嚟！今次同上次一樣，都係投資咗7位數！」

採訪、攝影：朱志聰
from:http://hk.apple.nextmedia ... 161101/19818368

廷伸閱讀/相關主題推介:

相關主題:楊秀惠

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-11-5 18:44 發短消息

媽咪級網友都話索楊秀惠噴血黑絲誘人夫

繼《鬼同你OT》做「邪花Lolita」後，楊秀惠喺新劇《來自喵喵星的妳》，繼續做姣到震嘅Natasha，為咗情挑色誘陳豪，奇招百出，試過胸頂兼用腳情挑對方，夠晒猴擒。

而數到楊秀惠最噴血嘅，就梗係着住黑絲生擒陳豪嗰幕，見佢起勢將40吋長腿，塞落陳豪塊面度，幾乎掂到陳豪個嘴，做得夠放，就連媽咪級嘅網友，見到楊秀惠副body都話索。
from:http://hk.apple.nextmedia ... 161101/19818305

TOP

3^# 大中小 young 發表於 2016-12-10 18:25 發短消息

傳女網民不滿男友沉迷楊秀惠誤做第三者

大台劇《來自喵喵星的你》收視唔多掂，男女主角幾乎無一倖免俾人插，惟獨劇中飾演姣爆Natasha嘅楊秀惠，就俾人讚做得搞笑又夠放。

唔知楊秀惠喺劇中係咪做得太入型入格，搞到啲宅男痴痴迷迷。近日喺網上討論區，就出現咗個po，內容大致係講有個女網民，不滿男友沉迷一個女明星，仲開女星個名叫「楊X惠」，唔難估到「楊X惠」就係楊秀惠。

呢個女網民仲話唔介意男友無錢無骨氣，但就十分極之介意男友成日將楊秀惠同自己比較，就連電腦wallpaper都係用楊秀惠嘅相，同埋有一個專屬佢嘅相嘅folder。搞到女網民最後同男友炒大鑊！

事後楊秀惠接受傳媒訪問時，就話有朋友之前send過呢個po俾佢睇，佢話：「哈哈！其實我自己都有追韓劇，都試過追星，之前就係《來自星星的你》，o依家就係《藍海傳說》，所以我都明白追星嘅心態。講真，唔知呢個係咪惡作劇，亦唔知真定假，但如果呢件事係真嘅，我就覺得男仔喺女友面前，最好唔好討論其他女仔，因為女友先係最重要嘛！」
from:http://hk.apple.nextmedia ... 161124/19843639

TOP

4^# 大中小 young 發表於 2017-1-1 20:50 發短消息

楊秀惠美容生意攻內地

楊秀惠昨日到葵興為自家美妝品牌拍宣傳片，穿上黑色連身裙的她大騷長腿，她透露美容生意將攻入內地，而新加坡的新店即將開業。

事業得意的楊秀惠，感情如何？她刻意避談：「個天可唔可以畀個錫我嘅人照顧我，有支持我嘅朋友，好感恩有呢一切，希望送埋個獎畀我。」問到攞獎是否重要過男友？她即說：「過咗18號先傾其他。」
from:http://hk.apple.nextmedia ... 161217/19867814

TOP

5^# 大中小 young 發表於 2017-6-15 00:50 發短消息

楊秀惠開新舖進軍港澳

楊秀惠下月底會到內地拍外景，她正打算買雪櫃帶到片場開工。

楊秀惠再做老闆娘，在新加坡的美妝店將於本月底開幕，這趟投資過百萬開新店，而過去三年間的營業額已過千萬。她透露今次開新店連選址及裝修花了半年時間，幸好有親戚幫手。楊秀惠又定於9月進軍港澳分店，她說：「喺澳門已揀定新店位置裝修緊，香港會開多間，都有幾個舖位傾緊。」

拍劇方面，楊秀惠跟張衞健合作的劇集《大帥哥》，下月底會到內地取景。為了抗暑，她已自備數把小風扇、雨傘及外景椅，最緊要準備涼茶包及電飯煲，可以隨時煮飯，不用捱飯盒。但最識嘆的是她跟同劇演員商量，買一部雪櫃帶到外景場地，讓大家可以隨時有冰凍飲品享用。

撰文：李森
from:http://hk.apple.nextmedia ... 170614/20054842

TOP

6^# 大中小 young 發表於 2017-8-30 00:29 發短消息

楊秀惠38度帶西瓜開工

楊秀惠（右）上月同張衞健、蔡思貝、曹永廉等，喺佛山拍電視劇《大帥哥》外景，因為天氣高達38度，每日拍足12個鐘，秀惠都拍到中暑頭暈，佢話：「實在太熱，戲服又厚又唔通風，拍到出晒汗，件衫黏住個身，真係好唔舒服。好多同事都好辛苦，特別係幕後嗰班，每日拎住咁重嘅器材，日曬雨淋。」每日佢都會帶備涼茶、西瓜開工，不過連日咁日曬雨淋，佢都話頂唔順有啲中暑頭暈。

撰文：馮仁昭
from:http://hk.apple.nextmedia ... 170828/20134502

TOP

7^# 大中小 young 發表於 2018-2-13 18:44 發短消息

楊秀惠撇男友約四眼男肉緊覓食

無綫藝人楊秀惠（Vivien）與富貴男友拍拖多年感情穩定，但日前她撇下男友到超市掃貨，身邊更換來一名四眼男相伴，二人揀選食品時有商有量，傾到笑笑口的Vivien還肉緊捉着男方手臂。

楊秀惠與四眼男選購食品時有商有量。

現年33歲的楊秀惠（Vivien）華姐出身，曾與孫耀威及金融才俊Ray Mak拍拖，自早年戀上葉姓富家男友後，二人愛得甜蜜，Vivien不時帶男友現身好友聚會，雙方更早已見家長，近年還不時傳出婚訊。早前Vivien曾放聲氣希望盡快結婚生BB，還憧憬首選在歐洲行禮。

穿梭食物架

不過，日前Vivien卻罕有撇下男友，獨自驅車前往中環，戴黑超的她泊車後急急腳到該處的超市，之後有一名打扮斯文的四眼男前來會合，二人不停穿梭揀選各類食物，期間四眼男拿着大包食品與Vivien研究，二人傾到極為興奮，Vivien還毫不避忌緊握男方手臂，及後她往揀麵包，男方亦陪在旁。付款離開後，二人再於門外會合一名女友人，三人閒聊期間Vivien發現記者在場，即風騷揮手打招呼，之後匆匆往取車走人。

楊秀惠於超市內肉緊捉住四眼男的手。

楊秀惠

楊秀惠與男友拍拖多年，屢傳婚訊。

文、攝：追蹤組
楊秀惠

TOP