近年專注於內地發展的側田，前日接受本報訪問指今年尾會回歸香港出廣東歌。資料圖片
於06年僅出一碟即殺上紅館的側田，五年後因緋聞和是非所累，轉戰內地市場賺人仔，近日於內地節目《蒙面唱將猜猜猜》翻身，唱功不但被網友激讚：「佢把聲真係得！」台灣女團S.H.E成員Ella亦在微博轉貼側田唱《好久不見》的短片撐：「看的我熱淚盈眶！期待側田的新作品！」前日側田接受本報電話訪問，宣佈重返香港樂壇唱廣東歌！
側田近日以小王子造型蒙面參加內地歌唱節目演出，獲網友及S.H.E Ella激讚聽到熱淚盈眶。電視圖片
評審巫啟賢對側田說：「我覺得是香港的樂壇離棄了你！」引發網友熱議。電視圖片
為女友北上
當年側田的慘情歌《好人》、《命硬》、《男人KTV》令樂迷耳朵懷孕了，評審巫啟賢在節目跟他說：「我覺得是香港的樂壇離棄了你！」結果引起網民熱議，重提六年前側田的一番話：「在北京當個三線歌手，肯定比我現在賺的多十倍。我不明白為甚麼還有人覺得香港市場重要。」對於被網友翻舊賬抨擊，側田說：「其實我做人呢，所有決定都係自己選擇嘅，嗰時離開香港係自己選擇，唔關任何人嘅事。」
側田解釋當年去北京發展，主要是為愛情：「因為喺香港好孤獨，覺得做完嘢返屋企，困住喺四堵牆，感覺好難受，試過喺錄音室要睇鐘睇錶等放工，我最緊要係做到自己滿意音樂，但嗰陣時真係可能好多其他因素，令到我嘅靈感冇晒，唔開心係呢樣嘢，所以要離開一陣唞吓氣。喺北京識咗好多新朋友，好似由零開始，個人成熟咗，寫嘅音樂自然唔同，我覺得呢樣算係深造。」
側田於2011年在紅館開騷前夕，宣佈轉戰內地。資料圖片
側田指當年因女友在北京，故決定北上發展。資料圖片
認矮冇信心
原來側田悄悄返港三年了，他說：「我都盡量低調，一直覺得唔適合做幕前，喺屋企其實日日都有寫歌，擺咗喺電腦自己欣賞，終於𠵱家心態好咗，寫嘅歌有新鮮感，重點我係堅持做廣東歌。」至於在節目中戴小王子面具，因他覺得小王子是完美的，自己並不完美，他說：「我好清楚自己嘅缺點，成日同自己講要改要改，不過𠵱家到咗中年，個人定咗性真係好難改，我份人係好自我保護，因為生得細粒，細細個成日俾人蝦，我又唔識蝦番人，咁咪唔開心囉，咁又為乜呢，我會盡量改善呢樣嘢。」
採訪：皓騫
from:
http://hk.apple.nextmedia ... 161027/19812973
