苟芸慧獲闊少男友澄清唔係第三者苟姑娘坐正風騷為陸漢洋慶生日

現年33歲的苟芸慧（苟姑娘），感情與體重一樣受關注，近日成功減磅的她，月前傳與富三代陸漢洋（前名陸恭和）撻著，但男方本有無線前主播女友張頌恩，令苟姑娘疑做小三。不過，前晚陸漢洋43歲生日，苟姑娘不但以勝利者姿態為男友慶生，陸漢洋更維護苟姑娘，強調從未試過一腳踏兩船，默認苟姑娘正印女友地位。

苟芸慧曾與郭富城傳緋聞，3年前因為甲狀腺問題導致體重暴增，由110磅升至170磅，因而被封「肥苟」。近期苟姑娘不但成功減去近50磅肥肉，而且感情生活更有著落。今年8月她被傳與錫礦大王后人、聖安娜餅店創辦人兒子陸漢洋，因為賽車而擦出愛火花，但有指男方已有無線前主播女友張頌恩，令苟姑娘一度成為第三者。

不過，疑做小三風波未有影響苟姑娘與陸漢洋交往，上月二人被本報發現到西九龍欣賞電音騷，其間二人還親熱錫錫。直至前晚，苟姑娘更以勝利者姿態為陸漢洋慶祝43歲生日，正印女友地位似獲確認。

各自搵友人掩護

前晚苟姑娘於中環德己立街一間私房菜為陸漢洋慶祝43歲生日，出席者還有關心妍夫婦、譚凱琪和女賽車手楊嘉怡等，一行多人於晚上11時許離開，但苟姑娘與陸漢洋卻刻意前後腳走。陸漢洋先與關心妍夫婦笑笑口離場，問他為何不與苟姑娘一同出來時，陸漢洋支吾以對，然後上車離開。約十分鐘後，苟姑娘蹺住楊嘉怡與譚凱琪現身，問苟姑娘食飯原因？她笑說：「陸漢洋生日，一班人慶祝，有其他朋友㗎，唔係兩個人。」說罷便與譚凱琪等登上另一部車離開。

陸漢洋【分開離場】

【齊戴情戒】

苟芸慧前晚弗爆回勇，為富三代陸漢洋慶祝生日，手上戴著與男方相似款的情侶戒。

【拍拖斷正】

上個月苟姑娘被拍得與陸漢洋去西九甜蜜睇騷。資料圖片
陸漢洋昨在電話中被問到是否與苟姑娘發展中？他說：「唔答，從來我都唔答感情事，上次因為唔好意思，連累到我前嗰位（張頌恩），唔係咁好，所以回應過一次。」他指與張頌恩拍拖已是很久之前的事，問有否試過一腳踏兩船？陸漢洋爽快回答：「我從來未試過！」似為苟姑娘澄清並非第三者，問為何不與苟姑娘過二人世界？他說：「我不嬲都會同大班朋友一齊食飯。」

陸漢洋讚好女仔

陸漢洋笑言收到賽車用品等生日禮物，但就未肯透露苟姑娘送甚麼。問是否覺得苟姑娘是好女仔？他笑謂：「我諗冇乜人覺得佢唔係呀？好多人都係好女仔，睇我識唔識咁解箒。」身為職業賽車手的陸漢洋，透露半年前左膝曾做手術，現要做物理治療和針灸，望本月尾能康復繼續出賽。

至於記者昨致電苟姑娘，追問她是否拍拖？獲陸漢洋讚好女仔是否很開心？苟芸慧透過短訊回覆：「謝謝大家的關心，我很開心聽到任何真心的讚美，會繼續喼弗，在工作上努力，希望很快有更多成績及作品出現！也謝謝身邊很多朋友們的支持打氣，給了我很多勇氣！」

採訪、攝影：徐錦池、吳耀輝、嵐山

【兩女掩護】

（右起）苟姑娘前晚離開時，找女賽車手楊嘉怡和譚凱琪掩護。

風騷的苟姑娘返到寓所樓下，還向鏡頭揮手道別。
from:http://hk.apple.nextmedia ... 161008/19794424

城城前晚出席中環活動，他否認明年結婚之傳聞。

苟芸慧去年雖然在珠海比賽時炒車翻騰三周半，但她未因此有被嚇怕，更結下多段賽車情緣。除最近與陸漢洋打得火熱，早年她與郭富城傳緋聞，二人不約而同都非常喜歡車，而今日城城會在中環參加「2016電動房車挑戰賽」明星賽，昨日苟姑娘則在微博貼相，為同樣出戰明星賽的楊嘉怡打氣，留言：「好朋友和學習對象！明天Formula E比賽加油！」

前晚城城在中環出席活動，問他明年與Moka會否結婚？他否認說：「唔係真。」被追問何時結婚？他說：「一直感情事都低調，總之有喜訊會話畀大家知。」

採訪：盧妹
攝影：陳順禎
from:http://hk.apple.nextmedia ... 161008/19794432

藝人為咗開工成日都要四圍去，學揸車自己做柴可夫就最方便喇，久而久之仲練到一手好「車技」，咁圈中有邊啲女藝人揸車有「一手」呢？

苟芸慧：
苟姑娘上年喺珠海參加賽車明星賽，不幸遇到意外，連人帶車反轉再反轉。大膽嘅苟姑娘冇俾意外嚇怕，一個月後喺同一個地方考到國際賽車牌，佢仲因為賽車認識到關係好親密嘅陸氏後人陸漢洋。

蔡思貝：
蔡思貝揸車資歷最淺，不過關於車嘅新聞就唔少，包括試過喺東區走廊一邊揸車，一邊舉機伸出車窗幫男友麥秋成影相。今年7月，蔡思貝又試過喺金鐘入錯線，再同的士相撞，不過冇影響到佢工作，同晚仍然換上長裙出席活動。

佘詩曼：
港姐揸車出意外嘅，仲有佘詩曼，00年佢揸住架寶馬喺清水灣失事，四輪朝天剷咗上路邊。一年後佢揸另一架紅色寶馬喺尖沙嘴加連威老道右轉彌敦道，失控撞到交通燈柱。未夠半年，佢再揸新寶馬車，因為閃避流浪狗，再次喺清水灣而撞車。

莊思敏：
莊思敏今個月喺中環參加過Formula E明星賽，同場仲有錢嘉樂、郭富城同方中信等等賽車明星，結果佢喺個次比賽排第14名，安全完成比賽，算係好叻女喇。不過咁，佢曾經喺社交網上載自拍照話塞車，但喺佢副黑超就連人影都冇乜，衰到應一應。
from:http://hk.apple.nextmedia ... 161019/19805057

苟芸慧減肥成功，又離開娘家無綫，雞年佢有好多想法：「上年自己嘅事業停咗落嚟，今年會加倍努力，希望有自己嘅代表作，亦希望搵到一個funny嘅男友，最好有型又靚仔，生活就更開心！」

今年苟姑娘嘅家人來港一齊過年，苟姑娘話：「我已經七年冇同家人一齊過年，今年父母來港，弟弟又剛添丁，多了一位可愛嘅家庭成員，當然特別開心。」

撰文：馮仁昭
from:http://hk.apple.nextmedia ... 170201/19913867