澳門貼心陪洗米嫂賭枱兩個樣洗米華兇阿叻賭百家樂

1^# 大中小 young 發表於 2016-9-17 09:53 發短消息

澳門賭業猛人兼太陽娛樂文化老闆周焯華（洗米華），與洗米嫂陳慧玲及女友Mandy Lieu的感情糾纏不清，成為不少花生友茶餘飯後話題。最近有兩段疑似偷拍片在網上瘋傳，見到洗米華與陳百祥（阿叻）一齊坐賭枱玩百家樂，似是贏家的洗米華十分豪氣，拿著骰盅大大聲對阿叻說︰「輸咗飲兩杯，贏咗有十萬！」賭枱上未見有籌碼的阿叻就笑容牽強，未知是否輸掉很多？而這兩段片在WeChat已有不少人share。

據本報收到消息，前日中秋人月兩團圓之時，洗米華選擇留在澳門，與老婆洗米嫂及家人一齊做節；而剛為周家誕下一子的Mandy，則在遙遠的倫敦湊B。

洗米華與阿叻賭枱上玩百家樂，洗米華豪氣說：「贏咗有十萬！」

中秋佳節，洗米華選擇與洗米嫂和家人在澳門過節。資料圖片

Mandy Lieu獨自留在倫敦湊B。資料圖片
Mandy留曼徹斯特

據瞭解，洗米華和洗米嫂雖然仍在辦理離婚，但周家上下合力發功箍實洗米嫂，洗米華又一直不肯簽紙，雙方仍在拖拉中。洗米華用盡銀彈和誠意攻勢希望𠱁回洗米嫂，包括在台上唱《愛我別走》冧老婆，又攬實洗米嫂揚言：「我只得一個周太！」上月中，兩人又同場，洗米華向洗米嫂送權杖、獎座和鮮花，另外之前盛傳洗米華送她逾億別墅和價值七千萬的舖，似乎已開始打動洗米嫂。

至於剛在今年6月誕下小公子的Mandy，定居地點亦傳出多個版本，有指Mandy希望帶兩個小朋友一齊返香港，有傳洗米華想拿兩億買獨立屋予三母子住，但Mandy不想洗米華花太多錢，寧願以九千多萬放售舊居珒然，再換過第二間屋。而第二個版本就有傳洗米華在英國曼徹斯特買了一間四千呎獨立屋予Mandy，讓囡囡和囝囝可以留在當地讀書。不過，Mandy與兩個BB仍留在倫敦，未知洗米華心目中是否還有個plan C？

採訪：鍾國仁
from:http://hk.apple.nextmedia ... 160917/19772821

廷伸閱讀/相關主題推介:

相關主題:澳門洗米華

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-9-21 17:22 發短消息

洗米嫂玩得開懷

洗米嫂（中）作為仁愛堂副主席，在活動上玩遊戲極投入。

仁愛堂副主席陳慧玲（洗米嫂）昨日現身尖沙嘴舉行的仁愛堂活動，同場還有許懷欣、許懷谷、林欣彤等。洗米嫂老公周焯華（洗米華）日前趕到英國倫敦陪Mandy Lieu追月兼着情侶裝食雪糕，不過洗米嫂心情就沒受影響，在場玩遊戲時相當投入，開懷大笑，但拒絕接受訪問。

洗米華日前現身英國倫敦，陪Mandy Lieu食雪糕。資料圖片
而快將為人父的懷谷表示囝囝還有約兩個月便出世：「中文名爹哋（許冠傑）負責，我改英文名。哥哥有教路，成家都會幫手湊。」而懷欣的孖仔現讀K2，他希望讓囝囝學好中文：「陪佢哋做功課時，我可以順便學埋一份。」他又透露許冠傑下月開演唱會，請了跆拳道師傅，用打沙包方式健身操肌。

採訪：陳以晴
from:http://hk.apple.nextmedia ... 160920/19775405

TOP

3^# 大中小 巴塞王子 (IP: x.148.146.x) 發表於 2016-11-5 19:13 發短消息只看該作者

洗米華送花

洗米華全家出動，喺澳門嘅酒店內，為Heidi慶祝生日。互聯網圖片

澳門賭業猛人周焯華（洗米華）近年嚟左右逢源，得閒就飛去英國搵女友Mandy Lieu，有時又陪吓要同佢離婚嘅老婆陳慧玲（Heidi）。

大前晚係洗米華老婆Heidi嘅36歲生日，佢同爸爸、家姐、大仔柏豪、Heidi生嘅兩個囡囡，一齊喺澳門某酒店搞生日會，當晚洗米華好識做，全程喺度𠱁老婆開心，努力想𠱁番洗米嫂。

洗米華送畀老婆Heidi嘅藍色繡球花，花語為「永恒之美和美麗」。互聯網圖片

Heidi（右）心情很好，喺生日會上與大女搞怪自拍。互聯網圖片

Heidi穿上若隱若現露腰裝，伸手攬住老爺合照。互聯網圖片
花語寄情

聽有份出席生日會嘅知情者講，洗米華買咗一大束藍色繡球花送畀Heidi，呢隻花嘅花語代表「永恒之美和美麗」，可以睇得出佢心中仲有呢個老婆，只不過佢想享齊人之福，要求老婆唔好離婚，接受佢有情人Mandy。

聽聞烈女性格嘅洗米嫂就同身邊姊妹講，你真係愛呢個男人，係冇得同其他女人分享，所以佢寧願自己退出，以後將洗米華當家人看待就算。只不過洗米華想保住個家可以完完整整，點都唔想離婚。如果Heidi單方面堅持要離嘅話，最快都要等2年先離得成。

撰文：馮仁昭
from:http://hk.apple.nextmedia ... 161104/19821799

TOP

4^# 大中小 young 發表於 2016-11-18 01:29 發短消息

洗米嫂頻食生日飯

洗米嫂（右四）交遊廣闊，生日飯局食足一星期仍未結束。互聯網圖片
澳門賭業猛人兼太陽娛樂公司老闆周焯華（洗米華）於上周二晚為老婆陳慧玲慶祝36歲生日，周家下上和親友都有出席，現場人士報料指兩人關係看來不錯，真的不像要搞離婚的夫妻。而接連幾天，不少朋友都爭相約洗米嫂食生日飯，在facebook或朋友圈放了與她慶祝的相片，洗米嫂相當風騷。

上周幾乎每晚都食生日飯的洗米嫂，看來人緣不錯，聽她的好友透露：「佢最唔開心嗰段時間已經過咗，𠵱家個人想通晒，就算冇老公，生活一樣要繼續，將來佢都係以照顧兩個囡囡為目標，對周家嘅人會當親人看待。」

撰文：鍾國仁
from:http://hk.apple.nextmedia ... 161108/19825996

TOP

5^# 大中小 young 發表於 2016-12-10 16:16 發短消息

洗米華被老婆撇甩

洗米華原本與洗米嫂結伴去飲，惟洗米嫂臨時甩底。

毛玉萍兒子俞俊材與女友任靄婷昨晚在灣仔會展設宴，筵開80席，毛玉萍好友鄺美雲、丁子高、朱李月華、楊受成、薛芷倫、四太梁安琪、太陽娛樂公司老闆周焯華（洗米華）、呂良偉、汪子琦、諸葛紫岐、蔡志明夫婦、太子珠寶鐘錶主席鄧鉅明夫婦、商天娥夫婦等都有到場祝賀。

諸葛紫岐直言想追多個囡囡。

據悉毛玉萍除邀請洗米華外，其實也請了洗米嫂陳慧玲，只不過洗米嫂甩底，單拖的洗米華以西裝襯波鞋現身，未有受訪就進入會場。諸葛紫岐大讚一對新人夠甜蜜，問可有傳授生仔心得？她說：「我都係得一個（囝囝），我都要努力，想生個女。」鄧鉅明下月16日都娶新抱，昨晚順道來取經，他表示：「佢哋（兒子及未來媳婦）緊張啲。」
from:http://hk.apple.nextmedia ... 161115/19833985

TOP