汪明荃《熱咖啡》好經典千嬅學到足曬粗髀

1^# 大中小 young 發表於 2016-9-14 23:43 發短消息

江美儀因為台慶劇《名媛望族》以黑絲情挑劉松仁，極重口味演出令佢同黑絲劃上等號，但黑絲一向唔蝦人著，仲深受女士歡迎，好多人都喜歡著黑絲出街或者現身活動。

就好似「伍姑娘」伍詠薇咁，平時同班朋友玩得放，雖然已經47歲，但就keep得好，閒時都會著下黑絲騷下腳。黑絲代表仲有蓋鳴暉，佢踏台板時演小生駕輕就熟，喺台下都習慣以中性打扮記傳媒，令次活動唔係長褲就係黑絲。

而出街keep住型嘅江華，老婆麥潔文都一樣咁貪靚，跟住老公出街就愛著黑絲，唔知係咪睇中黑絲瘦腿呢個功能。

提起黑絲點都要講下「汪阿姐」汪明荃，佢一曲《熱咖啡》造型為唔少人提過神，難得嘅係，阿姐12年出騷再著黑絲跳舞，真係無懼任何挑戰！同樣喺MV騷黑絲嘅仲有楊千嬅，佢前年喺《色惑》MV中以SM造型同皮鞭大玩視覺效果，場面火辣，令人噴火嘅唔只個MV，連平時「大笑姑婆」嘅千嬅都著黑絲曬腳，認真大膽。
from:http://hk.apple.nextmedia ... 160911/19767401

廷伸閱讀/相關主題推介:

相關主題:汪明荃咖啡

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-9-17 09:38 發短消息

千嬅食飽通緝老公

DV圖片
楊千嬅自從生了囝囝Torres後，即使幾忙都會抽時間享受家庭樂，日前丁家三口又出巡，相約親友在金鐘香格里拉酒店食buffet，今年4歲的Torres，抵達酒店後不用媽咪拖，手揈揈自己一級級樓梯慢慢行，十分叻仔。

約晚上10時許，丁子高拖住Torres上廁所，幾分鐘後見千嬅步出即左望右望狂撳電話，最終她打電話給老公並照顧家人上車，再與老公及囝囝會合。

採訪、攝影：徐錦池、畢紹基
from:http://hk.apple.nextmedia ... 160914/19769906

TOP

3^# 大中小 young 發表於 2016-9-21 17:12 發短消息

千嬅練到有老鼠仔余文樂靠Anson變肌肉男

星級健身教練Anson，有唔少紅星都係跟佢健身、操大隻、減肥、增肥，都會搵佢，好似有周潤發、郭富城、楊千嬅、詹瑞文、吳鎮宇、李治廷等等，收費仲由2,000蚊一鐘起跳，至於點解會收咁貴同埋咁受歡迎，當然係因為有成效啦。

好似楊千嬅咁，2015年嘅演唱會前，就係搵咗Anson操，令到千嬅可以喺演唱會晒佢一對老鼠仔！余文樂之前為咗拍電影《狂獸》，因為身形太瘦，就搵咗Anson幫佢增加肌肉，依家就變咗大隻仔一名。

而詹瑞文近年都好注重健康，都有搵到Anson健身，有一次佢仲喺facebook直播佢健身，喺片中可以睇到詹瑞文同Anson講佢有少少唔舒服，Anson就好貼心咁話幫佢做多啲力量嘅運動，而唔做咁多帶氧運動，由此可見Anson嘅健身訓練真係好貼心。
from:http://hk.apple.nextmedia ... 160919/19775134

TOP

4^# 大中小 young 發表於 2016-9-21 17:22 發短消息

千嬅等囝囝升學後開騷

楊千嬅（左）向寶珠姐請教教仔方法。

陳寶珠與楊千嬅昨日於尖沙嘴出席時尚藝術展，千嬅透露兒子Torres懂得收拾玩具，她笑說：「今（昨）日佢喺廳叫咗我兩分鐘，我同老公喺房傾緊嘢，出到去佢同我講下次同媽媽傾偈要facetime，真係報應。」千嬅表示兒子念小一前不會開演唱會：「要𥄫住個市（兒子），如果再開演唱會，我會同公司講，個仔未搞掂一年班條路點行，我做唔到演唱會，因為開演唱會分唔到身。」

千嬅更請教寶珠姐如何教導兒子，寶珠姐說：「要民主，要傾偈，唔可以鬧，要平和，𠵱家社會風氣唔同。」若抱孫會否縱他？寶珠姐想也不想說：「我諗會，咁得意，唔捨得鬧。」

採訪：羅慧敏
攝影：沈健程
from:http://hk.apple.nextmedia ... 160920/19775420

TOP

5^# 大中小 young 發表於 2016-10-23 22:40 發短消息

千嬅同鷹眼行紅毯傾合作

千嬅曾與「美國隊長」基斯伊雲斯行觀瀾湖世界明星賽紅地毯。資料圖片
楊千嬅、周杰倫、佘詩曼、周柏豪、樂基兒、少女時代前成員Jessica、荷李活影星米高德格拉斯（Michael Douglas）和「鷹眼」謝洛美維納（Jeremy Renner）等，後日在海口出席「2016觀瀾湖世界明星賽」。

「鷹眼」謝洛美維納今年將與千嬅行紅地毯。

劇照
千嬅今年將與謝洛美行紅地毯，她期待說：「我會同佢分享電影工作，我好鍾意睇呢種英雄電影，如果香港可以開拍一套港版Marvel，我都想參與，不過呢啲角色戲服勁貼身同性感，我要請示丁生（丁子高）。」首次出席的佘詩曼則說：「我好欣賞米高，佢好多作品《華爾街》、《致命的吸引力》我都睇過。」

撰文：劉敏
from:http://hk.apple.nextmedia ... 161018/19804031

TOP