洪永城攬黃翠如摩天輪談情浪漫3粒鐘忽然面左左

1^# 大中小 young 發表於 2016-8-23 22:59 發短消息

洪永城與黃翠如在現實中各自有另一半，前者與唐詩詠拍拖，翠如BB則與蕭正楠感情相當穩定，二人私底下感情似足兄弟，不過無線依然愛將二人塑造成公仔箱情侶，再開劇給他們扮情人。大前日黃昏時段，洪永城與翠如BB現身中環海濱旁的摩天輪取景拍劇，身穿墨綠色恤衫及卡其褲打扮的洪永城抵達，他率先與工作人員研究及睇劇本作準備，之後一身白恤衫、短裙的OL打扮的翠如BB亦加入拍攝。

翠如BB、洪永城與工作人員齊進入摩天輪車廂埋位，其間二人戲份似情侶交流，見翠如BB挨著洪永城心口，而洪永城亦搭著她的膊頭，兩人甚有默契笑笑口談情，亦有拍一些有點面左左沒交流的鏡頭，演得相當投入。

【攬到實】

洪永城擁著翠如BB，在摩天輪上欣賞夜景。DV圖片

【傾唔完】

黃翠如與洪永城大前日現身中環海濱。DV圖片

【孖住走】
蕭正楠拒拍

一停機時，翠如BB與洪永城又各自埋首讀劇本，整個工作團體用了近3小時完成拍攝，之後便走人返回化妝車。當中翠如在摩天輪車廂中和工作人員影大合照，之後更貼相上微博分享。其男友蕭正楠即留言「幸福摩天輪」，翠如亦回贈他一句「邊個話帶我去」，二人在打情罵俏。

據悉，洪永城與翠如BB正拍攝無線新劇《我暪結婚了》，飾演一對夫婦，因各自在敵對公司工作，加上要供樓不可以辭工，惟有扮單身。於劇中，翠如BB上司黃浩然會有力追她的情節，監製更想搞噱頭搵「正印」的蕭正楠來飾演，不過他火速婉拒，避免將戀情當宣傳。

採訪、攝影：楊浩賢、陳辰
from:http://hk.apple.nextmedia.com/entertainment/art/20160812/19732499

廷伸閱讀/相關主題推介:

相關主題:黃翠如浪漫摩天輪洪永城

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-23 23:01 發短消息

胞兄有明星相洪永城曾家住半山坐Benz出入

「每個人心裡面都有對黃翠如同洪永城」…曾以為洪永城同黃翠如係圈中最佳螢幕情侶，最終洪永城遇上「不能錯過的女友」唐詩詠，而翠如就搵到佢嘅Mr Right—蕭正楠。

翠如爸爸黃永華早前公司喺創業板新股聯旺集團（8217）上巿，黃父身為大股東兼行政總裁，賬面身家億億聲，翠如BB頓時由慳妹變有錢女，蕭正楠被網民讚揀女友眼光獨到，洪永城則被寸走寶，之不過呢…洪永城家底本身都唔差㗎!

洪永城母親係台灣人，早年營商，家境殷實，洪永城喺屋企排第二，10歲起被送去新西蘭留學，「因為我讀書太差，小學考第尾嗰種」，童年時算係有錢仔，但家道中落，「屋企（由半山）越搬越落，由羅便臣道、堅道、柏道，再到尖沙嘴、天后」，家人並非炒燶樓，純因經濟差，令生意失敗，連本來持有嘅物業都要變賣。

屋企曾經富貴過，住過羅便臣道，有Benz車出車入，不過家境喺2002年變差，洪永城回港工作，其後透過HKU SPACE完成澳洲Curtin University嘅市場學課程，當年喺灣仔君悅酒店行畢業禮，媽咪及兄弟都有撐場支持。睇番洪永城嘅畢業相，佢胞兄都幾有型，甚有明星相。

洪永城畢業後加入有線，成為有線娛樂台節目《活得很滋味》旅遊主持之一，2008年轉去Now又係做旅遊節目主持，洪永城2012年再轉投無綫。
from:http://hk.apple.nextmedia ... 160812/19733201

TOP

3^# 大中小 young 發表於 2016-8-23 23:01 發短消息

曾全裸「惡鬥」洋妞洪永城要剪毛搣膠紙

洪永城(Tony)以30歲有線出道，08年轉投now，由於洪永城做旅行主持一向好瞓身，2009年洪永城為now去西班牙拍旅遊節目《一個地球》解構畢加索裸體抽象畫，導演要求洪永城全裸上陣扮畢加索名畫造型，同外籍model肉帛相見演「爆房」。

洪永城當時去畢加索博物館，導演睇啲畫就問點解全部都裸露，跟手就喺當地book咗間酒店房，「四條友連埋兩個西班牙女仔玩6P咁上去」，扮畫入面嘅動作，譬如個公仔摸女人胸，洪永城就摸住，佢都講過拍攝時有啲尷尬，有啲位置要貼膠紙封住，驚有任何反應，拍完要剪毛先搣到膠布，全裸演出，令佢終身難忘。

佢講過自己好處係冇底線，全裸係噱頭嘢，節目已冇乜人睇，唔做番啲嘢吸引人睇更加冇人知，開心咪去囉，有好效果就得，認真夠晒搏!後嚟於2011年拍now《食勻全中國》又係全裸上陣，介紹洛陽浴堂。
from:http://hk.apple.nextmedia ... 160812/19733229

TOP

4^# 大中小 young 發表於 2016-8-23 23:55 發短消息

為阻馬明埋身洪永城做阿四日夜黐實唐詩詠

「不能錯過的女友」唐詩詠…雖然同洪永城拍拖直今，早幾個月傳過洪永城趁女友唔喺香港，翻撻舊愛，令唐詩詠嬲嬲，幾經辛苦o氹番女友，兼晒合照力證情不變，不過外界一直覺得佢跟契哥馬國明襯啲，馬明出席公開場合亦不時讚唐詩詠係一個好女仔，昨日有周刊指，洪永城都呷醋，唔止多咗喺網上提起女友，即使要開工，都去探女友班。

據報道指，唐詩詠因為要照顧年老嘅爸爸，拍拖初時只係間唔中去洪永城位於西貢嘅屋企過夜，有傳係洪永城同時要趕開工，喺男友哀求下，唐詩詠亦多咗去西貢新居留宿，而且洪永城為咗趕絕情敵，就算開完工幾攰，佢都照陪唐詩詠去睇戲、上月仲一齊睇林海峰talk騷，盛傳馬明有時會去片場探唐詩詠，甚至接收工，洪永城為阻馬明，早前見女友喺將軍澳廣場拍外景，洪永城忽然去探班，全程照顧女友，又摸唐詩詠頭髮、主動為女友拎手袋，又幫女友影相，發現有記者，唐詩詠即叫男友走先。

另洪永城亦愛屋及烏，知唐詩詠係孝順乖乖女，就連唐詩詠嘅親友都照顧埋，上周五朝早6點揸車去接唐詩詠嘅親友，先再返屋企休息。
from:http://hk.apple.nextmedia ... 160817/19739835

TOP

5^# 大中小 young 發表於 2016-9-11 17:23 發短消息

翠如男友家出發

蕭正楠同女友黃翠如被安排同機飛去北京出席《北京電視節》，同行仲有田蕊妮、陳豪、郭晉安及周柏豪等。不過焦點落喺蕭正楠同黃翠如身上，佢哋男嘅拖篋，女嘅挽住細袋仔，同步到機場，即被問佢哋係咪一齊出門口，翠如BB好坦白話：「我今朝收工去佢屋企一齊出發。」

上次洪永城拖住黃翠如行紅地毯，搞出一場小風波，今次洪永城因為要拍劇，唔可以一齊去。

撰文：馮仁昭
from:http://hk.apple.nextmedia ... 160826/19749544

TOP

6^# 大中小 young 發表於 2016-10-23 17:52 發短消息

願為洪永城馬國明做和事老唐詩詠：我會閃婚

唐詩詠昨日在活動上稱被朋友追問婚期。

兩男一女、走在一起等於一個「嬲」字。一直有傳洪永城與唐詩詠拍拖，身為唐詩詠契哥的馬國明，對洪永城甚有意見，更叫唐詩詠「睇定啲」。昨日有報道指馬國明在楊怡和羅仲謙婚宴上，向洪永城借意挑機敬酒，洪永城最初擰轉背想離開，但被人叫回即大聲說：「吓？邊位呀！啊！飲杯！」然後大大力將杯「哼」落馬國明的酒杯，令紅酒四濺幾乎爆杯，火藥味濃！

唐詩詠昨日在鑽石山為「香港金閱獎頒獎禮」做頒獎嘉賓，麥明詩媽媽麥何小娟和方健儀等得獎人及其家人亦有出席。對有傳馬國明與洪永城開火？詩詠「吓」了一聲，然後問：「乜事？冇發現佢哋有接觸，我做姊妹喎。」有指做兄弟的馬國明呷醋，詩詠笑說：「好戲劇，冇乜可能。」

有傳洪永城在羅仲謙婚宴上，與馬國明開火。資料圖片

擔任楊怡姊妹的唐詩詠，接新娘時貼身侍候馬國明。資料圖片

麥明詩媽媽麥何小娟出席活動，麥爸爸及哥哥都有到場。

朋友追問婚期

詩詠直言洪永城回家後並無異樣，只透露婚宴熱鬧開心，而自己因為太攰，所以離開時才黑面。問到可會做和事老約食飯？她說：「好耐之前都想約一大班人出嚟食飯，但冇機會，今次都唔使刻意，夾啱時間就食。」

詩詠直言被好多朋友追問婚期，但她不想有壓力，即使將來結婚亦想到海外，她說：「好少計劃，隨感覺啦！我覺得我會閃婚，自己唔想搞好多嘢，如果真係搞都唔會喺香港，想有私人空間。」問到洪永城是否Mr.Right？她笑說：「咁遙遠嘅事冇諗。」是否嫌他不夠成熟？她說：「又唔可以咁話佢，佢有佢嘅嘢。」可覺得馬國明追求？她說：「吓，呢個只係劇場。」另外，楊怡家姐楊卓娜昨日出席活動時表示不覺兩人不和：「睇唔到，有時男人適當時候緊張一下女朋友係好事。」

陪麥明詩散心

而麥媽媽透露女兒麥明詩在泰國開工，下周會一齊去台灣旅行，問是否陪明詩散心？她說：「都係，要休息吓。」有指麥明詩和林作一齊買戒指，是否復合？她說：「我唔在場，年輕人戀愛離離合合好正常，再見可以做朋友。其實最好尊重問番佢，我自小培養兩兄妹，理性控制感情，唔可太憑感覺，如果唔係就好多爭拗。」

採訪：羅慧敏
攝影：陳慧安
from:http://hk.apple.nextmedia ... 161007/19793083

TOP

7^# 大中小 young 發表於 2016-10-23 22:18 發短消息

傅嘉莉做第三者？洪永城搞到唐詩詠呷醋

洪永城同唐詩詠呢一對，拍拖兩年，久唔久就傳洪永城花心，昨日又有周刊爆洪永城拍新劇《我瞞結婚了》，傅嘉莉不時放電，而洪永城又唔抗拒異性埋身，搞到女友唐詩詠呷醋。唔止咁，周刊又指洪永城月初同傅嘉莉拍濕身戲，任由洪永城攬攬，仲有親密床戲。其實唐詩詠早前出騷，被問知唔知洪永城拍劇有親熱戲，唐詩詠就話對方鍾意畀「驚喜」佢，大家都明白係工作，不過講聲好啲，寸男友冇事前講聲。周刊問過洪永城，未知洪永城係唔係知中招，就話事前有同唐詩詠備案，不過女友忙工作，又話只係講笑，佢同傅嘉莉只係工作伙伴。而傅嘉莉接受訪問時回應被指係第三者一事，就話周刊報道所有關於佢嘅相片都係劇照，當幫套劇宣傳。
from:http://hk.apple.nextmedia ... 161015/19801400

TOP