郭穎兒Celia K.嫁李冠鋒做闊太

1^# 大中小 young 發表於 2016-8-23 22:42 發短消息

相關主題: 郭穎兒

Celia K.上月跟李冠鋒註冊結婚，趕及年尾踏入3字頭前嫁做人妻。

電影《一路向西》33C𡃁模郭穎兒（Celia K.），趕及12月踏入3字頭前嫁人，現年29歲的她於一個月前閃婚，嫁給拍拖一年、Janice Man（JM）的有米舊愛李冠鋒，前晚Celia在社交網貼婚照公告喜訊：「一切都發生很快，幸福就是這樣，很難去捉住時間，說來就來。是的，我突然就嫁了。」兩人黐頭芒曬婚戒放閃，幸福滿瀉。

Celia K.前日在網上貼婚照，公告結婚消息。互聯網圖片

今年初兩人到馬爾代夫度假，李冠鋒向Celia K.求婚失敗。資料圖片
心血來潮結婚

前晚本報致電Celia恭喜，新任人妻的她開心地說：「多謝，因為幸福好突然嚟，咁就結婚啦！大家一直有傾過結婚問題，突然心血來潮就去結囉！」拍拖一年就閃嫁，Celia否認雙喜臨門：「婚後先有計劃生B，同老公都好鍾意小朋友，總之一切順其自然，好多人都話我哋識咗好短時間，點解咁快結婚，因為過去一年，佢表達到對我嘅愛，好愛護我，好照顧我。」

Celia K.獲李冠鋒打本開手袋店，升呢做老闆娘。資料圖片

李冠鋒是JM的舊愛，兩人曾被影到拖手亮相。

外母給予及格

今年初兩人到蜜月勝地馬爾代夫度假時，原來李冠鋒已經密謀求婚，不過未獲Celia點頭下嫁，屢敗屢戰的他於兩個月前再策劃求婚，Celia冧爆說：「佢有花心思安排，喺屋企同我求婚，有一晚我開門，見到地下有條燈路，條橋係好老套，但我受，結婚係需要衝動，冇咗呢份衝動就結唔成，媽咪都鍾意佢，覺得最緊要佢錫我對我好，外母話畀佢及格。」

問到給老公多少分？Celia笑說：「畀佢90分啦，仲有10分進步空間，畀佢慢慢加上去。」由於近年Celia在幕前零工作，早前男友便打本給她在太子開店賣手袋，原來是鋪路將Celia私有化。

採訪：比華利
from:http://hk.apple.nextmedia ... 160811/19731145

廷伸閱讀/相關主題推介:

相關主題:郭穎兒

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-23 23:28 發短消息

Celia K.擺酒請舊愛

Celia K.前晚出席電影優先場時，大晒兩卡巨鑽和卡地亞結婚戒指（小圖）。

惠英紅、陳家樂和郭穎兒（Celia K.）前晚在尖沙嘴出席有份主演的電影《幸運是我》優先場。新婚的Celia上月閃嫁文詠珊舊愛李冠鋒，升呢李太的Celia前晚左手戴上閃爆兩卡巨鑽求婚戒指和卡地亞結婚戒指，非常搶鏡，未慣被叫李太。Celia和老公今年10月會在金鐘JW萬豪酒店筵開三十席婚宴，她謂會邀請舊愛來飲，問會否請老公的舊愛？她說：「佢嗰啲我就唔知。」同場的唐貝詩大爆張名雅婚期是下月9日，到時她會擔任姊妹。

唐貝詩大爆張名雅9月9日出嫁，她會做姊妹。

另外，惠英紅今年入行40周年，她有意在電影宣傳後搞池畔燒烤派對慶祝，她曾想出書紀念：「寫咗十分之一，但牽涉太多人，最終打消念頭，書名都諗好叫《我的50年》，睇吓60歲時仲有冇咁嘅氣力。」

採訪：卓寶花
攝影：陳俊強
from:http://hk.apple.nextmedia ... 160814/19735291

TOP

3^# 大中小 young 發表於 2016-9-11 17:17 發短消息

Celia K.感激老公包容

Celia多謝老公李冠鋒接受她的缺點和弱點。微博圖片
電影《一路向西》女主角郭穎兒（Celia K.）上月與文詠珊（Janice）有米舊愛李冠鋒秘密註冊結婚，並將於10月於金鐘JW萬豪酒店筵開30圍。Celia日前與老公到首爾影婚紗相，她昨把婚紗相貼社交網分享，並留言感恩生命中遇上丈夫接受她的缺點和弱點，問到Celia可有穿性感婚紗？Celia昨在電話中說：「最性感嗰套係老公揀，佢話影相性感啲就准，但婚禮同着出去就唔得。」她謂正籌備婚宴：「老公好鍾意揀嘢，好似女仔，畀佢揀晒。」

此外，Celia婚前最後作品、電影《幸運是我》中扮演陳家樂女友，她強調婚後仍會繼續做演員，她說：「結婚係人生過程，即使將來生埋，演人妻人母角色可能仲啱feel。

採訪：陳杰
from:http://hk.apple.nextmedia ... 160826/19749713

TOP

4^# 大中小 young 發表於 2016-10-23 18:13 發短消息

Celia K.任玩新郎

郭穎兒（Celia K.）今年7月秘嫁文詠珊（JM）有米舊愛李冠鋒，一對新人本月24日在金鐘萬豪酒店擺酒。Celia日前獲姊妹們搞婚前派對，齊齊影相留念，她昨日在電話中說：「四個女仔一齊嘈嘈閉，雖然我以前工作都影過類似啲相，點知當日現場心情好緊張。」Celia表示將任由姊妹玩新郎，她說：「完全冇底線，佢娶老婆梗係要有難度。」

採訪：陳杰
from:http://hk.apple.nextmedia ... 161009/19795170

TOP

5^# 大中小 young 發表於 2016-10-25 21:10 發短消息

新郎捉蟲過關接新娘Celia嫁李冠鋒搵DaDa見證

【連咀兩次】
新郎李冠鋒給老婆Celia K.100分，昨晚婚宴上應傳媒要求兩度親吻太太。

現年29歲、𡃁模出身的郭穎兒（Celia K.）去年8月撻着文詠珊（Janice Man）舊愛李冠鋒，今年7月忽然閃嫁，8月在社交網晒婚戒宣佈已為人妻，昨晚在金鐘萬豪酒店補擺喜酒，何珮瑜（Jeana）及施念慈等人都有出席。

避談舊愛JM

一對新人按照傳統，Celia前一晚穿上紅睡衣進行上頭儀式，新郎昨日早上9時便抵達酒店接新娘，雖然明知會被姊妹大整蠱，但阿鋒為表誠意，完全豁出去任玩。昨午Celia接受本報訪問時笑說：「我一直喺房等，當時睇唔到佢哋玩乜，但聽到聲知道好激烈，知道佢哋準備咗抽獎箱，入面有蟲、有青蛙仔，要阿鋒喺入面夾啲好意頭食物出嚟。另外有唱歌跳舞，同埋有講愛的宣言，都好感動。」昨晚婚宴由C AllStar的梁釗峰任司儀，一對新人婚宴前應傳媒要求連咀兩次。問慣不慣被叫李太？Celia說：「都OK，但叫郭小姐應得快啲！」有否被老公感動落淚？她笑說：「佢做得唔夠好囉，感動唔到我，但斟茶嗰時有感動嘅！」何時計劃生小朋友？她說：「都有嘅，大家都鍾意小朋友。」問是否不設防？李冠鋒笑言：「等我準備吓先啦！」再問李冠鋒可有收到舊愛JM的祝賀？他即說：「冇聯絡好耐，都係咸豐年前嘅事喇！」

【省鏡姊妹】
Celia找來九位老友組成姊妹團，DaDa更是首次做姊妹。

【蒙眼捉蟲】
李冠鋒接新娘時要蒙眼在放有蟲及青蛙的箱內揀食物。

Celia換上一套超低胸婚紗與老公切餅。

首次做姊妹

昨日兄弟姊妹團共有九男九女，寓意長長久久，有份做姊妹的還包括Celia師姐陳靜（DaDa）。DaDa與Celia相識十年，今次獲Celia邀請做姊妹，見證自己出嫁，DaDa昨接受本報訪問時表示：「好開心，今日Celia好靚，我將第一次做姊妹獻咗畀Celia，今日見證Celia幸福，我都希望快啲得到幸福。」笑問DaDa自己可有恨嫁的心？她即笑說：「咁又唔恨喎！」DaDa續說：「我結婚一定唔會搞婚禮，因為鍾意旅行，應該會好似舒淇咁簡單啲。」

採訪：陳杰、黃曉妍
攝影：葉君海、陳俊強

釗峰昨晚擔任婚宴司儀，陳靜則是姊妹團成員之一。

Jeana昨晚穿真空透視短褲現身，惟男友翁子江沒同行。

「E cup超蓮」鍾采羲昨晚單拖現身飲喜酒。
from:http://hk.apple.nextmedia ... 161025/19810973

TOP

6^# 大中小 young 發表於 2017-1-1 20:01 發短消息

30歲生日報喜Celia K.陀女6個月怕痛揀開刀

Celia獲老公阿鋒錫到燶，生日入迪士尼遊玩。

電影《一路向西》女主角、33C𡃁模郭穎兒（Celia K.），今年7月閃嫁拍拖一年的文詠珊舊愛李冠鋒。Celia前日30歲牛一，獲老公錫到燶，送上鮮花、蛋糕和Hermès手袋，她貼相到facebook留言晒命：「天天是生日有多好，原來有老公也不錯！」

Celia在家安胎，相約DaDa（右）一齊整曲奇。

Celia前日30歲生日宣佈陀女，明年升呢做媽咪。

跟囡囡爭寵

壽星女Celia前日與老公拍拖入迪士尼，表面過二人世界，其實是「三人行」，因為Celia陀B已6個月，她前晚在Instagram上載兩夫妻肚皮相，開心宣佈將為人父母，腹大便便的Celia在肚皮寫上：「I'm Mom and baby！」而阿鋒肚皮則寫上：「I'm Dad！」Celia表示腹中塊肉是囡囡，預產期是明年3月，她昨日在電話中說：「7月註冊後第二日，我就發現有咗。我好鍾意生女，可以同佢扮靚，老公又恨女。」囡囡是爸爸的前世情人，Celia笑言會跟囡囡爭寵，她說：「老公去到每個地方都話出年帶埋囡囡去。」

一日食5餐

不過，Celia謂生完女後不心急追仔，她說：「唞吓先，湊BB都應該好忙好辛苦。」她怕痛打算剖腹產女。

陀女後食量大增的Celia，特別鍾意食麵包，她說：「有咗成日都餓，好食得，一日可以食5餐，直到𠵱家重咗10磅，不過可能我骨架細，睇落去個肚唔算好大，但醫生話正常size。」

Celia最近跟經理人施念慈完約，暫時先安胎，產後才復出工作，冇約一身輕的Celia說：「呢段期間生BB啱晒timing。」Celia安胎不忘增值，她早前獲老公陪到台灣學飄眉和植眼睫毛等美容課程，閒時又約陳靜（DaDa）一齊整曲奇。

採訪：楊定
from:http://hk.apple.nextmedia ... 161211/19861685

TOP

7^# 大中小 young 發表於 2017-2-3 18:38 發短消息

Celia K.搵伍姑娘陪月

郭穎兒（Celia K.）下月就生，肚大如籮嘅佢前晚約伍詠薇、何佩瑜（Jeana）同監製伍健雄團拜，想當年合作電影《喜愛夜蒲3》結緣。

Celia將做人母，伍姑娘猛叫伍健雄原班人馬開新戲，唔知係咪要拍套《喜愛生仔》？佢哋又不約而同摸Celia個肚沾旺氣，Jeana同伍姑娘爭做陪月員，Celia話：「打算生完囡囡後，同老公出埠旅行，佢哋幫手湊女。」

撰文：馮仁昭
from:http://hk.apple.nextmedia ... 170203/19915932

TOP