講起高海寧，高登仔就會諗起一個公仔……
大台花旦走下一個又一個，以前套套都睇不死徐子珊睇到厭，依家忽然非常掛念。
冇咗殼王陳國強前愛將，仲有個愛將高海寧喺度，佢仲獲欽點安排拍杜之克揸旗嘅重頭劇，男女主角係回巢幫拖嘅林文龍同宣萱。號稱一百萬一集，全實境拍攝。
公司睇重套劇，而且對手又係演技派，高Ling感壓力亦可以理解。據報導指，佢嘅角色屬於深藏不露、內歛嗰隻，有內心戲唔係做花瓶，但對高Ling而言，確實係有難度……
昨日有週刊報導，指高Ling日前喺啟德郵輪碼頭拍完一場戲之後，收工時撞到同劇嘅唐詩詠，講咗幾句之後，高Ling突然崩潰痛哭。唔係做戲，係真係喊豬。
報導指，高Ling開工嗰陣已經好大壓力，對白又甩cut難背，高Ling背咗好多次都唔OK，越急越背唔到，越來越嬲自己，仲發自己脾氣:『點解做嚟做去都做唔到？』」越急就越NG，眼見自己阻住全世界收工，令高Ling更加自責，結果收工時撞到唐詩詠傾咗兩句，高Ling已經忍唔住痛哭。
據報導所講，嚟緊高Ling仲有唔少內心戲要拍，咁到時點算好？佢接受傳媒訪問時就謂:「其實我個角色都有幾場喊戲，純屬劇情需要，大家唔使擔心！
from:
http://hk.apple.nextmedia ... 160721/19703172
