王曼喜昨日坦言希望身邊人不要用有色眼光看待同性戀者。
王敏德及馬詩慧的大女王曼喜（Kayla）昨日跟名模Rosemary在觀塘出席「apm動感Summer Fun」活動。Kayla近日在facebook開了一個名為「LES Baes HK」的群組支持同性戀，而她早在兩年前已出櫃。
「為後生一代」
Kayla昨日受訪時表示建立群組，是希望為香港後生一代出一分力，她說：「係呀，我兩年前認咗出櫃，覺得LGBT（同性戀關愛群組）好貼心，我想為香港後生一代，令佢哋覺得唔係孤單嘅，係有人可以傾訴。大家經歷一樣，集合起嚟會容易接受。」被問到是否有很多人找她傾訴時，她說：「要慢慢build up，後生有講自己嘅苦衷，但係我一個幫唔晒，所以就成立群組，我想將佢變成一個小社會咁，𠵱家有50人以內，唔算多，大家支持大家嘅圈子。」Kayla此舉是想發放正能量，目的都是為了愛，希望身邊的人不要用異樣的眼光看待同性戀者。
Kayla在Ig亦貼出一張坐在花海上的靚相，有人猜測她有新戀情，她解釋說：「唔係呀，嗰度係個event，我見好靚所以影，𠵱家冇人追。」妹妹麗嘉兩個禮拜後會從美國返港，到時兩姊妹會出外旅行，不少宅男都希望她們到時會多拍點泳衣照，Kayla就搞笑說：「放心，我妹𠵱家唔喺沙灘就喺泳池。」
王曼喜的胞妹麗嘉經常在Ig貼性感泳衣照。
Rosemary（左）與王曼喜均表示有意趁夏天外遊。
Rosemary示範打籃球，有板有眼。
Rosemary旅行造人
另外，Rosemary透露下月將與老公旅遊，計劃的目的地是秘魯、希臘、峇里及斐濟等地，盡享二人世界，她笑言因為今年兩公婆少見面，所以會用一個月時間去旅行。至於會否趁機造人，她笑言：「要享受過程，有質素是最重要，不過我要忙完手上的工作才可以諗生小朋友。」
採訪：羅慧敏
攝影：陳慧安
from:
http://hk.apple.nextmedia ... 170629/20071847
